हेटौंडामा मिस टीन प्रतियोगिता हुने
हेटौंडा: पल इन्टरटेन्मेन्टको आयोजनामा मिस टीन हेटौंडा–२०१७ हुने भएको छ । प्रतियोगितामा १४ वर्षदेखि २० वर्ष उमेर समुहका युवतीहरुले सहभागी हुन पाउने बुधबार हेटौंडामा पत्रकार सम्मेनलन गरी आयोजकले जानकारी दिएको छ ।
कार्यक्रममा सहभागीहरुमध्ये प्रथम हुनेलाई ५० हजार रुपैयाँ, फस्ट रनरअपलाई ३० हजार रुपैयाँ र सेकेण्ड रनरअपलाई २० हजार नगद पुरस्कार सहित ताज पहि¥याइने आयोजक संस्थाका प्रबन्ध निर्देशक तथा कार्यक्रम संयोजक अमित पौडेलले जानकारी दिनुभयो ।
साथै सहभागी सबैलाई कदर पत्रले सम्मान गर्ने उहाँले बताउनुभयो । प्रतियोगिताका उत्कृष्टलाई एक वर्ष सम्मको मोडलीङ कन्ट्रयाक पनि दिईने आयोजकको जनाएको छ । मिस टीनमा भाग लिनेहरुले पाँच हजार रुपैयाँ फर्म शुल्क तिर्नुपर्ने कार्यक्रम संयोजक पौडेलले बताउनुभयो । उक्त शुल्कमा नै १७ दिन सम्मको फोटो सुट, डान्स, ड्रेस, ट्रेनिङ्ग लगायत सबै खर्च आयोजकले बेहोर्ने आयोजकले जनाएको छ ।
प्रतियोगितामा ३० जना मिस टीनका प्रतिस्पर्धीरु सहभागी हुने बताईएको छ । प्रतियोगिता सम्पन्न गर्न करिब १० लाख रुपैयाँ खर्च हुने आयोजकको अनुमान छ ।
प्रतिक्रिया दिनुहोस !
