काठमाडौ :अनियन्त्रित माइक्रो बसको ठक्करले भारतीय फलफुल व्यापारी २७ बर्षीय रुपलाल साहको निधन भएको छ । काठमाडौको जोरपाटी ओरालोमा कलंकीबाट थली तर्फ गइरहेको अनियन्त्रित बा १ ज ९८०९ नम्बरको माइक्रोले फुटपाथमा साइकलमा व्यापार गरिरहेका साहसहित बटुवालाई ठक्कर दिएको थियो ।
‘भिडभाड हुने ठाउँमा साइडमा हिडिरहेको वेला माइक्रोले ठक्कर दिएको हो’पुडासैनीले अन्नपूर्णसँग भन्नुभयो ।
महानगरीय प्रहरी बृत्त बौद्धका प्रमुख अच्युत पुडासैनीका अनुसार ब्रेक फेल भएर माइक्रोले फुटपातमा रहेकाहरुलाई ठक्कर दिएको हो । माइक्रो बस र चालक ३६ बर्षीय लालबहादुर कामीलाई प्रहरीले नियन्त्रणमा लिइसकेको पुडासैनीले जानकारी दिनुभयो ।
माइक्रोले ठक्कर दिएका भारतीय अर्का व्यापारी २२ बर्षीय प्रदीपकुमार साहको काठमाडौ मेडिकल कलेज जोरपाटीमा र ओखलढुंगाकी ६० बर्षीय चुनीमाया बुढाथोकीलाई शंखरापुर अस्पतालमा उपचार भइरहेको छ । मृतक साह र घाइते साह दुवै जना भारतको श्रीपुर निवासी रहेको प्रहरीले जनाएको छ । दुवै जनाले साइकलमा फुलफुल व्यापार गर्दै आउनु भएको थियो ।
प्रतिक्रिया दिनुहोस !
