काठमाडौं : स्थानीय तहको दोस्रो चरणको निर्वाचनबाट १५ हजार ३८ जना जनप्रतिनिधि निर्वाचित हुने प्रदेश नम्बर १,५,७ मा मतदान भइरहेको छ । निर्वाचनका लागि ६४ लाख ३२ हजार सात सय ६५ जना मतदाता छन । तीन वटा प्रदेशमा चार हजार पाँच सय ८१ वटा मतदान केन्द्रमा मतदाताहरु बिहान ५ बजेदेखि नै लाइनमा बसेका छन् ।
स्थानीय तहको निर्वाचन गाउँपालिकाका अध्यक्ष, उपाध्यक्ष र वडाध्यक्ष, नगरपालिका प्रमुख, उपप्रमुख र वडाध्यक्ष, वडा सदस्य, महिला वडा सदस्य र दलित महिला वडा सदस्यका लागि हुन लागेको हो । स्थानीय तह दोस्रो चरणको निर्वाचनमा एक महानगरपालिका, सात उपमहानगरपालिका, एक सय ११ नगरपालिका र २१५ गाउँपालिकामा निर्वाचन हुँदैछ ।
छाता ओढेर मतदाता मतदान गर्न प्रतिक्षारत छन् । अछाममा मध्यरातदेखि मुसलधारे पानी परेको छ । अहिले पनि पानी पर्नेक्रम नरोकिए पनि पानीको मात्रा भने घट्दै गएको छ ।
प्रतिक्रिया दिनुहोस !
