हिमालदेखि तराईसम्म मतदाताको उत्साह (फोटोफिचर)

काठमाडौं : बुधबार बिहान ७ बजेदेखि साँझ ५ बजेसम्म प्रदेश नम्बर १, ५ र ७ मा स्थानीय तहको दोस्रो चरणको निर्वाचन उत्साहपूर्ण ढंगले सम्पन्न भएको छ। छिटफुट घटना बाहेक तीन वटा प्रदेशमा कूल ३ सय ३४ स्थानीय तहका २८ सय ७४ वडाका ४ हजार ५ सय ८१ मतदान स्थलमा उत्साहका साथ मतदान भएको हो।

बुधबार दिनभरमा ६४ लाख ३२ हजार ६५ मतदाताले १५ हजार ३८ पदाधिकारीका लागि मतदान गरेका हुन्। ३५ जिल्लामा भएको मतदानमा १ महानगरपालिका, ७ उपमहानगरपालिका १ सय ११ नगरपालिका र २ सय १५ गाउँपालिका रहेका छन्। सबै स्थानीय तहमा ६२ हजार ४ सय ८ उम्मेदवार चुनावी मैदानमा छन्।

मतदानमा वृद्धवृद्धादेखि युवा पुस्ताको समेत सहभागीता उत्साहका साथ देखिएको छ। सबै धर्मावलम्बीहरुले मतदान गरेका छन्। पहिलो चरणको निर्वाचन प्रदेश नम्बर ३, ४, ६ मा वैशाख ३१ गते सम्पन्न भइसकेको छ भने तेस्रो चरणको निर्वाचन भने असोज २ गते गर्ने तयारी भइराखेको छ।