दुई टाउका भएको आनौठो भेडाको पाठी जन्मियो !
जाजरकोट : जाजरकोटमा एक कृषकको घरमा पालिएको भेडाले अनौठो पाठी जन्माएको छ । भेरी नगरपालीका –९ पौरीका कृषक गोरसिंह नेपालीले पालेको भेडाले अनौठो पाठी जन्माएको हो ।
भेडाले एउटै शरीरमा दुई वटा टाउका भएको पाठी जन्माएको छ । पाठीका दुईवटा टाउका संगै दुई मुख, चार कान र चार आँखा स्पष्ट छुट्टिएका छन् ।
गत बिहीबार निकै अस्वभाविक लाग्ने दुई टाउका भएको भेडाको पाठी जन्मिएको स्थानीय दिपेन्द्र माविका शिक्षक पुर्णबहादुर नेपालीले बताउनुभयो । दुई मुख भएको भेडाको पाठी उभिन नसक्ने र आफै दूध खान नसक्ने अवस्थामा रहेको उहाँले बताउनुभयो ।
प्रतिक्रिया दिनुहोस !
