काठमाडौं : २०० वर्ष पहिले काठमाडौंको जनजीवन समेटेर नयाँ फिल्म आउने भएको छ । त्यतिबेलाको जनजीवन समेटेर मजिपा लाखय् नेपाली एनिमेटेड चलचित्र निर्माण सुरु भएको छ । २ घण्टाको पूरै चलचित्र करिब ३ वर्षमा सक्ने निर्माण पक्षले लक्ष्य लिएको छ । २०२० को में महिनामा सत्य मोहन जोशीको १०१ औं जन्मोत्सवको अवसरमा चलचित्र रिलिज गर्ने निर्देशक संयुक्त श्रेष्ठले जानकारी दिनुभयो । उयो चलचित्र नेपाली र नेपालभाषा दुवैमा सँगै निर्माण हुने छ ।
उक्त कथाको पृष्ठभूमिमा जंग बहादुर राणाको बेलायत भ्रमणको कुरा समेटिएको छ । जंग बहादुर कस्तो जहाज चढेर कहाँ र कहिले आएपुगेका थिए । उनी बसेको ठाउँ कस्तो थियो भन्ने जस्ता तथ्यहरू दृष्यमा देखाउन खोजिएको छ ।
२०१७ को में महिना देखि लाखय् चलचित्रको काम सुरु भएको हो । गत अषाढ ३१ गते यस चलचित्रकोको लोर्कापण भएको छ । काठमाडौंको माइक्रोसफ्ट इनोभेसन सेन्टर र लण्डनको सोआस विश्मावविद्यालयमा एकैपटक लोकार्पण गरिएको थियो ।लण्डनमा १७ वर्षदेखि लाखय् नाचको संरक्षण गर्दै आउनुभएका कलाकार बिनोद चुपालुले रीलिज गर्नुभएको थियो ।
मजिपा : लाखय् चलचित्रमा बेलायतबासी नेपाली कलाकार मनीष श्रेष्ठ, चर्चित नायिका प्रियंका कार्की, नेपालभाषाका चलचित्रकर्मी सुनिता जुनु र वरिष्ठ कलाकार मदनदास श्रेष्ठ हुहुनुहुन्छ । त्यस्तै संगीतमा असीम शाक्य र अनिल धितालले सहयोग हुने बताइएको छ ।
एनिमेशनतर्फ यन्त्रकलाको टोलीमा संयुक्त श्रेष्ठ, नियुक्त श्रेष्ठ र प्रञ्जल कक्षपति रहने बताइएको छ । चलचित्रको निर्माण र निर्देशन संयुक्त श्रेष्ठको रहनेछ। चलचित्रका प्रस्तोता सानुमैया राजकर्णीकार श्रेष्ठ हुनुहन्छ।
प्रतिक्रिया दिनुहोस !
