काठमाडौं : नायिका तथा मोडल नीता ढुंगाना छड्के पोते अर्थात् तिलहरी लगाएर सार्वजनिक भएकी छिन्। नीताको यो रुप तीज गीतको म्युजिक भिडियोमा देखिएको हो। तीज पर्वलाई विशेष मान्ने निताले यस वर्षको तीजमा निराहार वर्तमात्रै नबसी तीजमा एक छिन नरोकी नाच्ने समेत उद्घोष गरेकी छिन्।
गायिका वसन्ता प्रकृतिको तीज गीत ‘यो तीजमा नाच्नुपर्छ एकछिन नरोकी’ बोलको गीतमा नीताले आकर्षक नृत्य प्रस्तुत गरेकी छिन्। पछिल्लो समयका चर्चित संगीतकार तथा गीतकार दीपक शर्माको शब्द संगीतमा तयार गीतमा निताको नृत्यले धेरैलाई मोहित पारेको छ।
शिव बिकले निर्देशन गरेको भिडियोको कोरियोग्राफी पनि स्वयम बिककै छ। शम्भु चालिसेले छायांकन तथा रविन बिकको सम्पादन रहेको गीत रिलिज भए लगत्तै चर्चा बटुलिरहेको छ।
प्रतिक्रिया दिनुहोस !
