‘हेल्लो हाई..’ लिएर आइन् नेपाल आइडलबाट बाहिरिएकी विद्या(भिडियो)
साउन ६, २०७४ शुक्रबार २०:६:०
काठमाडौं : सुन्दर र मर्मस्पर्शी गीत गाउँदा गाउँदै नेपाल आइडलबाट बाहिरिएकी विद्या तिवारी ‘हेल्लो हाई..’ बोलको गीतको म्युजिक भिडियोसहित सार्वजनिक भएकी छिन्। पूर्वीय र पाश्चात्य दुवै गीत संगीतमा राम्रो दख्खल राख्ने विद्या नेपाल आइडलबाट बाहिरिएपछि गीतको तयारीमा लागेकी थिइन्। नेपाली संगीत प्रेमीले भर्सटाइल गयिकाको रुपमा प्रशंसा पाइरहेकी विद्या नयाँ गीत लिएर सार्वजनिक भएकी हुन्।
‘हेल्लो हार्इ’ बोलको विद्याको नयाँ गीतका शब्द रचना सहदेव ढुंगानाका हुन् भने शिखर संन्तोषले संगीत भरेका हुन्। संगीत संयोजन भने गोपाल रसाइलीको रहेको छ। गीतको फिचरिङमा गिरीस खतिवडाले मिहिनत गरेका छन्।
डान्सिङ गीतका रुपमा तयार भएको म्युजिक भिडियोमा प्रियंका कार्की, दीपेन्द्र शाही ठकुरीको दमदार नृत्य देख्न सकिन्छ। म्युजिक भिडियोको निर्देशन समेत दिपेन्द्र ठकुरीले नै गरेका छन्। भिडियोको छायांकन देवराज गुरुङले गरेका हुन् भने सम्पाद कर्म प्रकाश तुलाधरले गरेका हुन्।
विद्याले नेपाल आइडलमा पाएको चर्चापछि पहिलो पटक सार्वजनिक भएको आफ्नो गीत र म्युजिक भिडियोले स्रोता र दर्शकको मत जित्ने विश्वास लिएकी छिन्।
प्रतिक्रिया दिनुहोस !
