विश्वप्रसिद्ध अमेरिकी रक ब्यान्ड ‘लिंकिंग पार्क'का मुख्य गायक चेस्टर बेनिंगटनले आत्महत्या गरेपछि उनकी पत्नी तालिन्दा बेन्ट्लेको ट्विटर अकाउन्ट ह्याक भएको छ । पतिको मृत्युसम्बन्धी फलोअरलाई अचम्मलाग्दो म्यासेज पठाउन थालेपछि उनको अकाउन्ट ह्याक भएको बताइएको छ । तालिन्दाको ट्विटरबाट चेस्टरको मृत्युभन्दा पहिले कसैले मारेको वा झुन्ड्याएको हुनसक्ने भनी प्रवाह भएको सन्देश भाइरल बनेको थियो ।
गायक चेस्टरलाई उनको घरमा काम गर्ने मान्छेले झुन्डिरहेको अवस्थामा देखेका थिए । उनको मृत्युभन्दा केही घन्टापछि लिंकिंग पार्क ब्यान्डको फोटोसुटका लागि समय तय गरिएको थियो । यस ब्यान्डको केही समयअघि नयाँ गीत ‘टकिंग टु माइसेल्फ’को भिडियो सार्वजनिक भएको थियो । यो ब्यान्डले केही सातापछि अमेरिका टुर गर्ने योजना बनाएको थियो । लिंकिंग पार्ककै अर्का ब्यान्ड सदस्य क्रिस कोर्नेलले पनि गत मेमा आत्महत्या गरेका थिए । उनको मृत्युपछि चेस्टरले निकै भावुक स्टाटस लेख्ने गरेका थिए।
४१ वर्षीय पति गुमाउँदा गहिरो शोकमा रहेकी तालिन्दाले पतिको बारेमा औपचारिक रूपमा कुनै धारणा दिएकी छैनन् ।
प्रतिक्रिया दिनुहोस !
