काठमाडौं : सिजन मिडियाद्वारा विगत ७ वर्षदेखि आयोजना गर्दै आएको मिस एयर होस्टेस २०१७ चौथो सस्ंकरणका लागि आवेदन खुल्ला गरिएको छ । केही वर्ष स्थगित हुन गएको मिस एयर होस्टेस प्रतियोगीता फेरि सिजन मिडियाले गर्न लागेको हो ।
मिस एयस होस्टेसका लागि एयर होस्टेस सम्बन्धी काठमाडौंलगायत विभिन्न सहरमा एयर होस्टेसको तालिम लिएर बसेका वा तालिम लिदै गरेका कक्षा १२ वा सोसरह अध्ययनरत ५ फिट २ इन्च उचाई भएका युवतीले प्रतियोगिमा आवेदन फारम भर्न सक्नु हुनेछ।
उक्त कार्यक्रमबाट प्रतियोगीको व्यक्तित्व विकास, आत्मविश्वास अभिवृद्धि लगायत नेतृत्वदायी क्षमताको विकास लागि सहयोग पुर्याउने र एयर होस्टेस बन्नको लागि सहयोग पु¥याउछ भन्ने हेतुले यो कार्यक्रमलाई निरन्तरता दिन लागिएको हो । कार्यक्रमको आवेदन फारम सिजन मिडिया कमलादीमा सम्पर्क गरी भर्न सक्नु हुनेछ ।
प्रतियोगिताका विजेताले ‘मिस एयरहोस्टेस २०१७’ को ताज उपाधिसहित २५ हजार नगद पुरस्कार साथै राष्ट्रिय तथा अन्तराष्ट्रिय विमान कम्पनीमा रोजगारीको अवसर प्रदान गरिने छ । फस्ट रनर अप र सेकेण्ड रनरले क्रमस १५ हजार र १० हजार नगद पुरस्कार साथै राष्ट्रिय तथा अन्तराष्ट्रिय विमान कम्पनीमा रोजगारीको अवसर प्रदान गरिने छ। अन्य विभिन्न १५ विधामा पनि सव टाइटल अवार्ड प्रदान गरिने छ।
प्रतिक्रिया दिनुहोस !
