काठमाडौं : मर्मस्पर्शी भावना समेटेर तयार पारिएको हृदयस्पर्शी गीत‘डाँडा काटी आए पनि’ बोलको गीतको म्युजिक भिडियो सार्वजनिक भएको छ। विजया शर्मा दंगालको प्रस्तुतिमा अवसरको खोजीमा परदेशिएका नेपाली दाजुभाइ दिदी बहिनीको जीवन्त कथालाई मुख्य रुपमा उठाइएको गीतमा नेपाली युवा र चेलीले भोगेको दर्दनाक कथालाई जीवन्त रुपमा उठाइएको छ।
गीतमा नेपाली लोक संगीतिक बजारमा नयाँ परिचय बोकेर आएका कलाकार मेदनी दंगाल तथा बानीका प्रधानको सुमधुर स्वर रहेको छ। कोमल भट्टको उत्कृष्ट शब्द सिर्जनामा रहेको यस गीतको अभिनय निर्देशन सागर सुब्बाको रहेको छ भने संगीत बालन्द राईको रहेको छ।
विदेशमा रहेका नेपालीको बाध्यतालाई भिडियोमा कलात्मक रुपमा प्रस्तुत गरिएको छ। जहाँ नेपाली दाजुभाइ तथा दिदी बहिनीले परदेशिएपछि नेपाली पन र यहाँको माटो र राष्ट्रिय झण्डाको महिमालाई स्मरण गर्दै स्वदेश नै फर्केर आटो ढिँडो खाने तर परदेश नजाने निष्कर्षमा पुग्छन्।
प्रतिक्रिया दिनुहोस !
