काठमाडौं : सञ्चारकर्मी गोपीकृष्ण ढुंगानाको गजलको म्युजिक भिडियो सार्वजनिक भएको छ। ‘तिम्रा लागि यो ठाउँ छोडी, सरी जान तयार छु म, यदि तिमी भन्छ्यौ भने मरी जान तयार छु म..’ बोलको गजलको म्युजिक भिडियो युट्युवमार्फत् सार्वजनिक भएको हो।
अर्जुन पोखरेलको संगीत र भुवन रावत ‘क्षितिज’ को स्वरमा रेकर्ड भएको म्युजिक भिडियोमा गायक रावतको लगानी छ। ‘द डिभाइन म्युजिक’ ले तयार पारेको भिडियोको एरेन्ज संगीतकार स्वयम्ले गरेका हुन्।
भिडियोमा हट मोडल सम्पदा बाँनियाले अभिनय गरेकी छन्। मोडल सम्पदाको प्रेमिको रुपमा मोडल प्रमोद भारध्वजले अभिनय गरेका छन्। विभोर पोखरेलको निर्देशनमा बनेको भिडियोको छायांकन बलराम बुढाथोकीले गरेका हुन्।
म्युजिक भिडियोको कथावस्तुबारे जानकारी दिँदै गजलकार ढुंगानाले भने, ‘स्वार्थी प्रेमीकाका लागि एउटा उदार प्रेमीले कस्तोसम्म त्याग गर्न सक्छ भन्ने भावमा गजलमा छ।’
यसअघि ढुंगानाका गीतमा अञ्जु पन्त, दीपक लिम्बू, मिलन अमात्य, तेज आलेलगायतले स्वर दिइसकेका छन्। शक्ति बल्लभ, रत्नबहादुर, हरि लम्साल, विजय खालिङको संगीतमा एक दर्जन गीत रेकर्ड गराएका ढुंगानाको म्युजिक भिडियो भने यो दोस्रो हो।
प्रतिक्रिया दिनुहोस !
