काठमाडौं : नेपाली सांगीतिक क्षेत्रमा आफ्नो पृथक् पहिचान बनाएका संगीतकार दीपक जंगम एक पटक श्रोतादर्शकमाझ प्रत्यक्ष रूपमा प्रस्तुत हुने भएका छन् । मिस नेपाल आयोजक संस्था द हिडेन ट्रेजरले गत वर्षबाट सुरु गरेको सांगीतिक कार्यक्रम अविरल यात्राको दोस्रो संस्करणमा संगीतकार जंगम प्रस्तुत हुन लागेका हुन् ।
आइतबार राजधानीमा आयोजित पत्रकार सम्मेलनमा दिइएको जानकारीअनुसार कार्यक्रमलाई ‘अविरल यात्रा २०७४ दीपक जंगम’ नाम दिइएको छ । रुस्लानको सहयोगमा असोज ४ गते नेपाल प्रज्ञा प्रतिष्ठानमा कार्यक्रम हुने पत्रकार सम्मेलनमा जानकारी दिइएको हो । अविरल यात्राको पहिलो संस्करणमा गतवर्ष वरिष्ठ गीतकार यादव खरेललाई प्रस्तुत गरिएको थियो ।
प्रतिक्रिया दिनुहोस !
