हलिउड अभिनेत्री क्यामरुन डियाजले निजी जीवन खत्तम भएको भन्दै करिअरको उचाइमा पुगेको बेला अभिनयबाट बाहिरिएको घोषणा गरेकी छन् । बुधबार ४५औ जन्मदिन मनाउँदै क्यामरुनले यस्तो घोषणा गरेकी हुन् । क्यामरुन हलिउडमा धेरै पारि श्रमिक लिने नायिकामध्येमा पर्छिन् । उनले सन् १९९४ मा २१ वर्षको उमेरमा हलिउड डेब्यु गरेकी थिइन् । चलचित्रमा ज्यादै व्यस्त हुनु परेकाले यसबाट बिदा लिएको उनको भनाइ छ । ‘फिल्म गर्न थालेपछि म आफैंलाई भुल्छु’, क्यामरुनले भनिन् ।
१६ वर्षको उमेरमा मोडलिङ सुरु गरेकी क्यामरुनले विद्यालयको पढाइ पूरा गर्नेबित्तिकै मोडलिङ थालेकी थिइन् । उनी १७ वर्षको उमेरमा ‘सेभेन्टिन’ नामको म्याग्जिनमा कभरगर्ल बनेकी थिइन । २१ वर्षमा ‘द मास्क’ नामक चलचित्रबाट हलिउड डेब्यु गरेकी थिइन् । उनले अभिनय गरेको सो चलचित्र सबभन्दा धेरै कमाइ गर्नेमध्येमा परी रेकर्ड बनाएको थियो ।
हलिउडमा दबदबा कायम गरेकी क्यामरुनसँग ७६७ करोड डलरको स्वामित्व छ । सन् २०१० मा धनी महिला सेलिब्रेटीको रूपमा उनी पनि चिनिएकी थिइन् । जति सम्पत्ति कमाए पनि आफैंलाई समय दिन नसकेपछि खुसी हराएको भन्दै उनले हलिउडबाट बिदा लिनु परेको स्पस्ट पारेकी छन् ।
प्रतिक्रिया दिनुहोस !
