चलचित्र ‘२ रुपैयाँ’मा समेटिएको गीत ‘कुटुमा कुटु’ले युट्युबमा दुई करोड भ्युज पाएको छ । यो गीतले युट्युबमा नेपालका लागि विभिन्न रेकर्ड पनि कायम गरेको छ । गत जेठ १४ गते युट्युबमा अपलोड गरिएको यो गीतले तीन महिनामै दुई करोड भ्युज पाएको हो । यति छोटो समयमा युट्युबमा दुई करोड भ्युज पाउने नेपाली चलचित्रको यो पहिलो गीत बन्न सफल भएको छ । त्यसैगरी प्रदर्शनअगाडि दुई करोड भ्युज पाउने पनि यो एकमात्र गीत बनेको छ ।
यो चलचित्र भदौ २३ गते रिलिज हुँदैछ । चलचित्र रिलिज हुनुभन्दा ६ दिन अगाडि यो गीतले युट्युबमा यो आँकडा कायम गरेको हो । ‘कुटुमा कुटुले चलचित्र प्रदर्शनअगाडि नै दुई करोड भ्युज पाउनु हाम्रो लागि उत्साहको विषय हो’, चलचित्र निर्देशक असीम शाहले भने, ‘गीतले दुई करोड भ्युज पाउनुमा दर्शकको माया र विश्वानस हो ।’
प्रतिक्रिया दिनुहोस !
