काठमाडौं : गायक शरद ढुंगेल आफ्नो पहिलो एल्बम ‘प्रतिध्वनी’बाट नै चर्चामा छन्। एल्मबमा समावेश गीत ‘वचनमा राखौंकी नजरमा राखौं’ बोलको म्यूजिक भिडियो सार्वजनिक भएपछि उनको गायकीको चौतर्फी चर्चा सुरु भएको छ। गायिका मेलिना राईले गायक ढुंगेललाई स्वरमा साथ दिएको भिडियोमा अनिल र जेबिकाको अभिनय देख्न सकिन्छ। सुन्दर प्रेम जोडीले प्रेममा परेपछिका रोमान्टिक पलहरु भिडियोमा देख्न सकिन्छ।
प्रेम जोडीले मायालु शैलीमा व्यक्त गरेको भावनालाई अनिल र जेविका न्याय गर्न सफल देखिएका छन्। हेमन्त ढुंगेलका शब्द सिर्जनामा तयार गीतमा अशोक थापाले संगीत भरेका छन्।
भिडियोलाई उत्सव दाहालको छायांकन गरेका छन्। यो एल्बममा समावेश सबै गीतमा हेमन्त ढुंगेलको शब्द छ। पाँच गीत समावेश एल्बमका दुई गीतको भिडियो पनि तयार भएका छन्।
प्रतिक्रिया दिनुहोस !
