प्रदेश नम्बर २ को एक मात्र महानगर वीरगन्ज महानगरपालिकाको मेयरका लागि ३५ जना चुनावी मैदानमा उत्रिएका छन् ।असोज २ गते हुने स्थानीय तहको ते श्रो चरणको निर्वाचन कार्यकतालिका अनुसार बुधबार राति अबेर सम्म चलेको मनोनयन दर्तामा वीरगन्ज महानगरपालिकाको मेयरका लागि ३५ जनाले र उपमेयरमा ११ जनाले उम्मेदवारी दर्ता गराएका छन् । वीरगन्जमा अन्नपुर्ण पोटले आयोजना गरेको अन्नपूर्ण पोष्ट राउण्ड टेबलमा वीरगन्ज महानगर पालिकाको मेयर र उपमेयरका उम्म्मेदवारका साथै राजनीतिक दलका नेता , सांसद , उद्योगी व्यपारीहरुको सहभागीता रहेको थियो।
अजय द्विवेदी, मेयरका उम्मेदवार , नेपाली काँग्रेस : काँग्रेसको इतिहास ,वर्तमान र भविष्यको आधार नै मेरो विजयको सुनिश्चितता हो । काँग्रेसको नेतृत्वमा वीरगन्जको सर्वाङगीण विकास र संविधान कार्यान्वयन गर्न मैले मेयरमा उम्मेदवारी दिएको हु ।वीरगन्ज महानगरको विकासले यहाको मात्र नभइ सीमा पारी रक्सौल र छिमेकको बारा जिल्लाको विकासमा प्रभाव पार्छ । पछिल्लो समय वीरगन्ज महानगरपालिका थपिएका ग्रामीण भेगका साविकका गाविसहरुलाइ शहरको रुपमा विकास गरेर महानगरमा जोडने , वीरगन्ज महनगरको सरसफाइ, खानेपानी , शिक्षा र स्वास्थ्यको क्षेत्रमा सुधार ल्याउनु नै मेरो चुनावी एजेण्डा हो ।
हुन त अरु उम्मेदवारहरुले पनि वीरगन्ज महानगरलाइ आुधनिक शहर बनाउछु भनेका छन् तर भनेर मात्रै वीरगन्ज महानगर आधुनिक शहर बन्दैन , जब सम्म महानगरमा पछि थपिएका ग्रामीण भेगहरुलाइ शहरका रुपमा विकसीत गर्न सकिदैन तब सम्म वीरगन्ज आधुनिक शहर बन्न सक्दैन , यो नै मेरो चुनावी एजेण्डा हो । वीरगन्जलाइ असली महानगर बनाउन ठूलो चुनौती छ तर सम्भावनाहरु पनि उत्तिक्कै छन् । म लोकतन्त्र र जनता प्रति निष्ठावान नेता हु । अजय द्विवेदीले जे बोल्छ त्यो गर्छ भन्ने कुरा जनतालाइ थाहा छ त्यसैले चुनावमा वीरगन्ज महानगरका मतदाताले मलाइ मत दिएर विजयी बनाउछन् भन्नेमा म ढुक्क छु ।
विजय सरावगी , मेयरका उम्मेदवार , संघीय समाजवादी फोरम नेपाल : मेरो पहिलो प्राथमिकता वीरगन्ज महानगरवासीको आधारभूत आवश्यकता पुरा गर्ने हो । दो श्रो प्राथमिकता भनेको वीरगन्ज महानगरलाइ गन्तव्यको शहर बनाउने हो । ते श्रो प्राथमिकता भनेको वीरगन्ज शहरलाइ स्याटेलाइट सिटीको रुपमा विकसीत गरेर यो शहरलाइ मान्छे बस्न लायक शहर बनाउने हो । यदि म मेयरमा निर्वाचित भए भने लगानी भित्रयाउने वातवरण बनाउनुछु । किन कि आज प्रत्येक दिन रोजगारीको अभावमा हरेक दिन १७ सय युवा जनशक्ति विदेश पलायन भइरहेका छन् ।
वीरगन्जमा पनि बरोजगारीको समस्या छ । त्यसैले विदेश पलायन भइरहेका उर्जावान युवा शक्तिलाइ पलायन हुनबाट रोक्न मुलुकमै रोजगारीको सृजना गर्नु पर्छ र त्यो काम मैले गर्छु । विगतमा नेतृत्व गरेका दल र नेताले वीरगन्जमा ५० वर्षमा गर्न नसकेको विकास मैले पाँच वर्षमै गर्छु । यहाको शिक्षा क्षेत्रमा सुधार ल्याउनका लागि कम से कम स्नातक तह सम्मको शिक्षालाइ निशुल्क गर्ने , बालिका र किशोरीहरुलाइ विद्यालय र कलेज सम्म जानका लागि आवश्यक वातावरण बनाउने मेरो चाहना हो । मेरो सपना र चाहना भनेको भ्रष्टचारमुक्त र समृद्ध वीरगन्ज बनाउनु नै हो ।मेयरमा निर्वाचित भएपछि वीरगन्जलाइ अहिलेको दुरावस्थाबाट मुक्त गरि नगरवासीको जनजीवनमा कायापलट हुने गरि परिवर्त ल्याछु । मधेश आन्दोलनमा शहादत प्राप्त गरेका शहिदका परिवारको सम्मान पनि मेरो प्राथमिकतामा छ । वीरगन्ज महानगरलाइ देशमा मात्र नभइ विदेशमा पनि समृद्ध शहरको पहिचान दिलाउछु ।
बसरुद्धिन अन्सारी, मेयरका उम्मेदवार , नेकपा एमाले : मेयरका सबै उम्मेदवारले वीरगन्जको विकासलाइ नै एजेण्डा बनाएका छन् मेरो पनि पहिलो प्राथमिकताको एजेण्डा भने वीरगन्जको विकास नै हो । म अरु जस्तो धेरै ठूला गर्दिन , यो महानगरका लागि चाहिने आधारभुत आवश्यकताहरुको व्यवस्था नै मेरो पहिलो प्राथमिकता हो । अहिलेको वीरग्नज महानगरको दुर्गती सबैका सामु छर्लङ नै छ । वीरुगन्ज महानगरलाइ अब काम गर्ने होइन काम गराउन सक्ने कुशल र असल म्यानेजरको आवश्यकता छ । र त्यो कुशल र असल म्यानेर भनेको एक मात्र बसरुद्धिन अन्सारी हो भनेर नगरवासीले थाहा पाइ सकेका छन् ।
यही कुरा बुझेर नै एमालेलाइ मलाइ उम्मेदवार बनाएको हो ।वीरगन्ज महानगरको मतदाताको चाहना र वीरगन्जको आवश्यकताका लागि मैले मेयरमा उम्मेदवारी दिएको हु । सुन्दर, स्वच्छ, सम्बृद्ध र हराभरा महानगरका रुपमा वीरगन्जलाइ बनाउनु मेरो सपना हो । वीरगन्ज महानगरलाइ स्वच्छ , सुन्दर र हराभर शहर बनाएर देशकै उत्कृष्ट महानगरका रुपमा विकास गर्नु नै मेरो पहिलो चुनावी एजेण्डा हो । अहिले वीरगन्जमा म प्रति देखिएको जनलहरले पनि मेरो विजय सुनिश्चित गरिसकेको छ ।
रहबर अन्सारी, मेयरका उम्मेदवार , नेकपा माओवादी केन्द्र : परिवर्तन र विकासका लागि वीरगन्ज महनगरको मेयरमा मैले उम्मेदवारी दिएको हु । सम्बृद्ध वीरगन्ज मेरो सपना हो । वीरगन्ज महानगरमा रहेका विकासका सम्भवनाहरु निर्जीव अवस्थामा छन् । ती सम्भवनाहरुलाइ जीवन्त पार्नु र वीरगन्ज महानगरलाइ गतिशील बनाउने मुद्धा मेरो प्राथमिकतामा रहेको छ । वीरगन्ज महानगरलाइ मुलुककै एक नम्बर महानगर बनाउने मेरो चुनावी एजेण्डा हो । यो महानगरको विकासका सवालमा जुन जटीलताहरु अहिले सम्म ल्याइयो वा देखाइयो ती जटीलताहरु तोडेर वीरगन्जको चौतर्फी विकास र नगरवासीको जनजीवनलाइ सहज र सरल बनाउनु मेरो चाहना हो ।
हुन त मलाइ मेरो उमेरको विषयलाइ लिएर केहि दल र उम्मेदवारले राजनीतिमा कच्चा खेलाडीका रुपमा अफवाह फैलाइरहेका छन् तर म भन्छु समयले कोल्टे फेरि सकेको छ , वीरगन्जले परिवर्तन चाहेको छ , वीरगन्जको राजनीतिमा अब पुराना राजनीतिक खेलाडीहरुको दिनगन्ती शुरु भइसकेको छ , अबको राजनीति भनेको नयाँ खेलाडीको हातमा आइसकेको छ ।
राजेशमान सिंह , मेयरका उम्मेदवार , राजपा : वीरगन्ज महानगरका जनताले बुझिसकेका छन् जनताको काँधमा काँध मिलाएर हरेक सुखदुखमा २४ सै घण्टा साथ दिने एक मात्र नेता राजेशमान नै हो । वीरगन्ज महानगरको विकास सवालमा कुरा गर्ने हो भने शान्त , सुन्दर र सम्मुनत वीरगन्ज राजपाको परिकल्पना हो । तर यो तब सम्म सम्भव छैन जब सम्म यहाबाट विदेश पलयान भइरहेका उर्जाशील युवा जनशक्तिलाइ पलायन हुनबाट रोकिदैन । वीरगन्ज्मा युवाका लागि बरोजगारीको समस्या चरम सीमामा पुगेको छ ।
मेरा लागि युवा उर्जाका श्रोत पनि हुन् । युवाहरु मेरा निकटका मित्र शक्ति पनि हुन् । त्यसैले फेरि पनि भन्छु जब सम्म युवाका लागि रोजगारीको व्यवस्था हुदैन तब सम्म वीरगन्जको विकास सम्भव हुदैन । धेरै ठूला गरेर केहि हुनेवाला छैन । वीरगन्जमा युवाका लागि रोजगारीको सृजना गर्नु पर्छ । मरो पहिलो प्राथमिकता भनेकै रोजगारी नपाएर विदेश पलायन भइरहेका युवा शक्तिलाइ रोक्न वीरगन्जमै रोजगारीको सृजना गर्नु हो । यसका साथै ग्रेटर वीरगन्जको अवधारणालाइ साकार पार्नु पनि मेरो सपना हो । यहाका जनताले यो पनि बुझेका छन् कि राजपाको टिम कुरा गरेर भन्दा पनि गरेर देखाउने टिम हो । त्यसैले जनताले राजपालाइ नै भोट दिन्छन् म ढुक्क छु् ।
रम्भा मिश्रा , उपमेयरकी उम्मेदवार, नेपाल लोकतान्त्रिक फोरम : वीरगन्जमा जे जति विकास निर्माणका काम भएका छन् अहिलेका हाम्रा मेयरका उम्मेदवार विमल श्रीवास्तव मेयर भएकै बेलामा भएका हुन् । तर त्यस बेला निर्माण गरिएका वीरगन्जका ऐतिहासीक एंव पर्यटकीइस्थलहरु भने अहिले खण्डहर बन्दै गएका छन् । व्यवस्थित वीरगन्ज आज फेरि कुरुप बनेको छ । हाम्रो पहिलो प्राथमिकता नै वीरगन्जलाइ पहिलाको भन्दा पनि आधुनिक र विकसीत शहर बनाउने नै हो ।यसका साथै म महिला पनि हु । महिलाको सवाल मेरो प्राथमिकतामा छ ।
अनिल रुङगटा , सांसद : हुन त वीरगन्ज उपमहानगरबाट महानगरमा स्तरोन्नत्ती भएपनि यो महानगर बेहालको अवस्थमा छ । यहाको सडक , ढल , नाला मात्र नभइ शिक्षा , स्वास्थ्य सबै अस्तव्यस्त छ । समग्रमा भन्ने हो भने वीरगन्ज अव्यस्थित शहर बनेको छ । जनताबाट निर्वाचित जनप्रतिनिधी नभएका कारण २० वर्ष देखि वीरगन्ज शहरको समस्या सम्बोधन हुन सकिरहेको छैन । तर अब स्थानीय तहको निर्वाचन हुदैछ । त्यसैले महानगरवासीले निक्कै ुझबुझका साथ आफनोृ जनप्रतिनिधी चुन्नु पर्छ । भोट हाल्दा हाम्रालाइ नभइ राम्रा उम्मेदवारलाइ छान्नु पर्छ । मलाइ विश्वास छ यहाका मतदाताले परिपक्व, अनूभवी र असल राजनीतिकर्मीलाइ नै चयन गगर्ने छन् ।
ओम प्रकाश शर्मा , अध्यक्ष , वीरगन्ज उद्योग वाणिज्य संघ : वीरगन्जले ७० प्रतिशत राजश्व उठाएर राज्यलाइ दिदै आएको छ तर राज्यले वीरगन्जका लागि केहि गर्न सकेको छैन । यहा जे जति विकास भएका छन् नीजी क्षेत्र र यहाका स्थानीयले नै गरेका छन् । वीरगन्ज वर्षौ देखि बेहालमा बाँची रहेको छ । तर अहिले सम्म यहाको राजनीतिक नेतृत्वले माखो मार्न सकेको छैन ।
वीरगन्ज उद्योग वाणिज्य संघले वीरगन्ज शहरको विकासका लागि निरन्तर रुपमा आवाज उठाउदै आइरहेको छ । संघले विगत १५ वर्ष देखि ग्रेटर वीरगन्जको अवधारण , अन्त्राष्ट्रिय विमानस्थल , ६ लेनको सडक विस्तार ,औद्योगिक कोरिडोरलाइ लोडसेडिङ मुक्त जस्ता कुराहरु उठाउदै आएको छ । तर आज मेयरको दाबेदारी गरि चुनावी मैदानमा उत्रिएका नेताहरुले अहिले सम्म यी मुद्धाहरुका बारेमा हिजोको दिनमा एक शब्द पनि बोलेनन् । अब आशा छ अबको चुनावबाट जितेर आउने जनप्रतिनिधीहरुले वीरगन्जसंग सरोकार राख्ने यी मुद्धाहरुलाइ ध्यान दिनेछन् ।
प्रस्तुती : क्रान्ति शाह
प्रतिक्रिया दिनुहोस !
