मुम्बई : बलिउड नायिका रिया सेनको आफ्ना बारेमा चलेको प्रेग्नेन्सी हल्लाले आफूलाई अचम्ममा नपारेको बताएकी छन् । ३६ वर्षीया अभिनेत्री सेनले अघिल्लो महिनामात्रै प्रेमी शिभम् तिवारीसँग लगनगाँठो बाँधेकी थिइन् । उनले यस्ता हल्लाको अपेक्षा गरेको पनि बताएकी छन् ।
एक अन्तर्वार्तामार्फत उनी गर्भवती भएको भन्ने हल्लाबारे भनेकी छन्, ‘पहिला नै अनुमान गरेकी थिएँ, यो हल्लाको ।’ उनले हल्ला साँचो हो या झुटो भन्नेबारे भने खुलाएकी छैनन् । महिना दिन पहिला विवाह गरे पनि सुटिङका कारण हनिमुनका लागि समय मिलाउन नसकेको उनले बताएकी छन् । आफूहरूले विवाहको कुरा स्वतन्त्र रूपमा निर्णय गरेको बताइन् ।
प्रतिक्रिया दिनुहोस !
