दमौली : व्यास ४ दमौलीस्थित बाघभञ्ज्याङ सामुदायिक वनमा एक किशोर मृत अवस्थामा भेटिएका छन् । व्यास ६ श्याम्घानिवासी कालु भनिने १५ वर्षीय गोपी पौडेल दमौली खानेपानी तथा सरसफाई उपभोक्ता संस्थाको ट्यांकीनजिकै मृत भेटिएका हुन् ।
व्यास ४ शितलचोकमा साथीहरुसँग बस्दै आएका उनी बिहीबारयता परिवारको सम्पर्कमा नरहेको पारिवारिक श्रोतले बताएको छ । प्रहरीले फेला पारेको शव गन्हाएको अवस्थामा भेटिएको छ । घटनास्थलमा केही थान सिरिञ्जसमेत भेटिएको प्रहरी निरीक्षक विजयराज पण्डितले बताए ।
उनी लागु औषधका प्रयोगकर्ता रहेको बुझिएको छ । मृतकसँगै आइतबार बिहान बसेका साथी अनिल तामाङले साँझ आफ्नो घर नआएपछि खोजी गर्दा मृत अवस्थामा भेटेपछि प्रहरीलाई खबर गरेका थिए । लागुपदार्थको ओभरडोजका कारण उनको ज्यान गएको आशंका गरिएको छ ।मृतकको शव पोष्टमार्टमका लागि दमौली अस्पतालमा राखिएको छ ।
प्रतिक्रिया दिनुहोस !
