सप्तरीमा एमालेले खाता खोल्यो
राजविराज: सप्तकोशी नगरपालिका वडा नम्बर १ मा एमालेका अध्यक्षका उम्मेदवार नारायणप्रसाद आचार्यले प्यानल नै बिजय हासिल गरेका छन्। निर्वाचन अधिकृत राजेन्द्र लम्सालले जानकारी दिएअनुसार उनले ७६६ मत ल्याएर जित हासिल गरेका हुन्।
उनका निकटतम प्रतिद्वन्दी माओवादी केन्द्रका ज्ञानेन्द्र विष्टले ३ सय ७६ मत ल्याएका छन्।एमालेका तर्फबाट दलित महिला चन्द्रावती परियार, महिला सदस्य सुशिला चौधरी र खुला सदस्यमा कालुराम विष्ट र नारायण खडकाले पनि आचार्यसँगै जित हात पारेका छन्।
प्रमुखमा एमालेका उम्मेदवार उत्तम शर्माले ८१५ र उप प्रमुखमा आशा चौधरीले ८२४ मत ल्याई अग्रता कायम गरेका छन्। माओवादी केन्द्रका प्रमुखका उम्मेदवार ध्रुब कार्कीले ३७६ र उपप्रमुख उम्मेदवार राजकुमारी चौधरीले ३४० तथा नेपाली काँग्रेसका प्रमुखका उम्मेदवार कृष्णप्रसाद ढकालले २२९ र उप प्रमुखका उम्मेदवार रीताकुमारी चौधरीले १८७ मत ल्याएका छन्।
प्रतिक्रिया दिनुहोस !
