राजविराजमा वडा अध्यक्षमा उम्मेदवारी दर्ता
राजविराज: राजविराज नगरपालिका-१५ मा राजपा, नेपालका तर्फबाट वडा अध्यक्षमा जशकरण मण्डलले मंगलबार उम्मेदवारी दर्ता गरेका छन्। राजपाका तर्फबाट वडा अध्यक्षका उम्मेदवार ६१ वर्षीय महन्थी यादवको भदौ ३१ गते मृत्यु भएपछि संशोधित निर्वाचन कार्यक्रम अनुसार मण्डलले मंगलबार मनोनयन दर्ता गरेका हुन्।
राजविराज नगरपालिकाको अन्य वडाहरुमा सोमबार नै मतदान सम्पन्न भएको छ।मुख्य निर्वाचन अधिकृतको कार्यालयले जानकारी गराएको निर्वाचन कार्यक्रमअनुसार आगामी बिहीबार विहान सात बजेदेखि साँझ पाँच बजेसम्म मतदान हुनेछ।
राजविराज नगरपालिका १५ मा निर्वाचन सम्पन्न भएपछि मात्र मतगणना सुरु हुनेछ। अन्य वडाहरुको मतपेटिका जिल्ला खेलकुद विकास समितको हलमा कडा सुरक्षाका साथ राखिएको छ।
प्रतिक्रिया दिनुहोस !
