सर्लाहीका १९ तहको मतगणना सकियो

मलंगवा : सर्लाहीको सबैभन्दा ठूलो नगरपालिका बरहथवामा माओवादी केन्द्रका देवानन्द महतो विजयी भएका छन् । ७ हजार ३ सय ८ मत ल्याएर महतो विजय भएका छन् । महतो नेपाली काँग्रेसका निरन्जन प्रसाद दासलाई २ हजार २ सय ८१ मतले पछिपार्दै विजय भएका हुन् । दासले ५ हजार २७ मत ल्याएका थिए ।

उपमेयरमा माओवादी केन्द्रकै सीता माझी ६ हजार ४ सय ९९ मत ल्याएर विजयी भएकी छिन् । उनले नेपाली काँग्रेसकी चालिसेलाई १ हजार १ सय ९ मतले पराजित गर्दै विजयी भएकी हुन् । चालिसेले ५ हजार ३ सय ९० मत ल्याएकी थिइन् । 

 

त्यसैगरीे इश्वरपुर नगरपालिकामा एमालेका मनोज देवकोटा विजयी भएका छन् । देवकोटा ६ हजार ५ सय ६६ मत ल्याएर विजयी भएका छन् । उनका निकटत्तम प्रतिद्वन्द्वी माओवादी केन्द्रका जय प्रकाश चौधरीले ४ हजार ८ सय ३५ मत ल्याएका छन् । उपमेयरमा एमालेकै अनिता देवी चौधरी विजयी भएकी छिन् । चौधरीले ६ हजार ७ सय ७८ मत ल्याएकी छिन् । उनका निकटत्तम प्रतिद्वन्द्वी माोवादीकी माया स्याङ्गवाले ४ हजार ५ सय ५ मत ल्याएकी छिन् ।

सर्लाहीको हरिपुर नगरपालिकामा एमालेका जमरुदिन मन्सुर विजयी भएका छन् । मन्सुरले ३ हजार ८ सय ५३ मत ल्याएर विजयी भएका छन् । उनका निकटत्तम प्रतिद्वन्द्वी नेपाली काँग्रेसका उदय नारायण चौधरी ३ हजार ५ सय ७५ मत ल्याएका छन् । त्यसैगरी उपमेयरमा एमालेकै रेणुका देवी काफ्ले ३ हजार ८ सय ५८ मत ल्याएर विजयी भएकी छिन् । उनका निकटत्तम प्रतिद्वन्द्वी कांग्रेसकी पानो देवी साहले ३ हजार ३ सय २५ मत ल्याएकी थिइन्।

२० स्थानीय निकाय रहेको सर्लाहीमा १९ स्थानको मतपरिणाम सार्वजनिक भएको छ । जस मध्ये रापजा–५, कांग्रेस–५, एमाले–४। माओवादी–३, संघीय समाजवादी फोरम–१ र लोकतान्त्रिक फोरम–१ साथानमा विजी भएका छन् । कविलासी नगरपालिकामा मतगणना जारी रहेको र केही घण्टामा मतपरिणाम आउने देखिएको छ । यस नगरपामा राजपा र संघीय फोरमको तीब्र प्रतिस्पर्धा रहेको छ ।