माओवादीले माने तालमेल गर्न तयार : माधव नेपाल
चितवन : नेकपा एमालेका बरिष्ठ नेता माधवकुमार नेपालले माओवादीले माने कार्यगत एकता गर्न एमाले तयार रहेको बताएका छन् । एमाले चितवनको प्रशिक्षण कार्यक्रममा सहभागी हुन चितवन पुगेका नेता नेपालले भरतपुर विमानस्थलमा पत्रकारहरुसँग कुरा गर्दै वाम एकता अहिलेको आवश्यकता भएकाले यसका लागि एमाले प्रयासरत रहेको जानकारी दिएका छन् ।
त्रकारहरुसँग कुरा गर्ने क्रममा नेपालले भने, ‘बामपन्थी तालमेलको सम्भावना प्रबल छ, माओवादी तयार भए राष्ट्रिय रुपमा तालमेल गर्न तयार छौं नत्र प्रदेश र जिल्ला तहमा तालमेल हुने सम्भावना छ ।’
आगामी प्रदेश र संघीय निर्वाचनमा माओवादीले काग्रेससँग तालमेल नगरे एमालेसँग हुने सम्भावना धेरै रहेको उनले जनाए ।
प्रदेश २ प्रमुख र उपप्रमुख पदमा एमाले पछि परे पनि समग्र पदमा एमाले दोस्रो स्थानमै रहेको नेपालले दावी गरे ।
उनले चर्चामा आए जस्तो रौतहटमा एमाले कमजोर भयो भन्ने कुरा सत्य नभएको धारणा व्यक्त गरे । जनता र पार्टीको माग र आवश्यकताका आधारमा आफू काठमाडौं र रौतहट मध्ये एक ठाउँबाट चुनाव लड्ने नेपालले स्पष्ट पारे ।
प्रतिक्रिया दिनुहोस !
