रोल्पामा समानुपातिक उम्मेदवार आकांक्षी धेरै
रोल्पा : मंसिर १० र २१ गते हुने प्रतिनिनिधि सभा र प्रदेश सभा निर्वाचनका लागि रोल्पामा प्रत्यक्ष उम्मेदवार बन्ने भन्दा पनि समानुपातिक आकांक्षीको ओइरो लागेको छ । उम्मेदवार छनौट गर्ने चटारोले यहाँ राजनीतिक चहलपहल पनि निकै बढेको हो ।
दसैंले सुनसान बनेको सदरमुकाम लिबाङ बजारमा दलका नेता कार्यकर्ताको चहलपहलले भरिलो बनेको छ । एमाले र माओवादी केन्द्रको शीर्ष तहमा चुनावी तालमेल र पार्टी एकताको आन्तरिक छलफल भइरहेपनि जिल्लाका तीन ठूला दल नेपाली कांग्रेस, नेकपा (एमाले) र नेकपा माओवादी केन्द्रका नेता कार्यकर्ता उम्मेदवार छनौट र सिफारिस गर्ने हतारोमा छलफल, बैठक र परामर्शमा व्यस्त रहेका छन् । साना दल पनि उम्मेदवार छनौटमा सक्रिय बनिरहेका छन् ।
दसैं बिदाको मौका छोपेर गृह जिल्ला आएका नेकपा माओवादी केन्द्रका नेता एवं पूर्व अर्थमन्त्री वर्षमान पुन ‘अनन्त' पनि पर्वका बेला पनि निकै दौडधुपमा रहे । माओवादी केन्द्रले सदरमुकाम लिबाङमा उम्मेदवार छनौटका लागि असोज १५ गते जिल्ला पार्टीको बैठक आयोजना गर्यो । बैठकमा प्रत्यक्ष भन्दा समानुपातिक प्रतिनिधित्वका लागि आकांक्षी धेरै देखिए ।
आकांक्षी धेरै भएपछि माओवादी केन्द्रले प्रदेश सभाका लागि दुईवटा निर्वाचन क्षेत्रबाट १४ जनाको नाम सिफारिस गरेको छ । क्षेत्र नम्बर १ बाट चन्द्रबहादुर बुढा, मिना बुढामगर, पवनकुमार कँवर, ओमबहादुर पुन, सीता आचार्य, राजकुमार कँवर र इन्द्रबहादुर रोका सिफारिसमा परेका छन् । क्षेत्र नम्बर २ बाट सुरेन्द्र थापा, तोपबहादुर डाँगी, कर्मलाल परियार, रामधन पुन, हरिसरा घर्तीमगर, भक्तबहादुर वली र काशीराम बुढामगर सिफारिस गरिएको पार्टीले जनाएको छ । आकांक्षी धेरैै भएकाले नाम टुंगो लगाउन नेतृत्वलाई हम्मेहम्मे परेको थियो ।
प्रतिनिधि सभाका लागि प्रत्यक्ष तर्पm माओवादी केन्द्रका ५ नम्बर प्रदेश इन्चार्ज समेत रहेका नेता अनन्तलाई सर्वसम्मत रुपमा उम्मेदवार सिफारिस गरिसकेको छ । यद्यपी, एमाले, माओवादी केन्द्र र नयाँ शक्ति नेपालको चुनावी तालमेलको घोषणा पश्चात कसरी जाने भन्ने यकिन भएको छैन । ‘आसन्न चुनावका लागि आन्तरिक रुपमा उम्मेदवारको नाम सिफारिस गरिएको हो । तालमेल र एकताबारे केन्द्रबाट ठोस नीति आएपछि दुवै पार्टी बसेर उम्मेदवारको अन्तिम टुंगो लगाइन्छ ।' माओवादी केन्द्रका जिल्ला अध्यक्ष सुरेन्द्र थापा ‘धु्रव' भन्छन् । आन्तरिक सिफारिसका क्रममा प्रतिनिधि सभाका लागि समानुपातिकतर्फ सभामुख ओनसरी घर्ती र नेतृ जयपुरी घर्तीलाई सिफारिसमा परेका छन् ।
क्षेत्र नम्बर १ बाट माओवादी केन्द्रका पोलितब्यूरो सदस्य दिपेन्द्र पुन ‘सिजल' सर्वसम्मतिले प्रदेशका लागि प्रत्यक्ष उम्मेदवार सिफारिस गरेको छ । क्षेत्र नम्बर २ बाट भने नेता द्वय जोखबहादुर महरा र कुलप्रसाद केसी ‘सोनाम' को नाम सिफारिस गरिएको माओवादी केन्द्रका जिल्ला अध्यक्ष सुरेन्द्र थापा ‘धु्रव' ले जनाए । नेता महरा क्षेत्र नम्बर १ कै हुन भने सोनाम २ नम्बर क्षेत्रका हुन् । दुवैजना आकांक्षी बनेपछि सिफारिस गरिएको हो ।
दसैंपछि नेकपा एमाले पनि उम्मेदवार छनौट र सिफारिसको चटारोमा रहेको छ । असोज १६ गते क्षेत्र नम्बर १ को र १७ गते क्षेत्र नं. २ को वैठक सम्पन्न गरि प्रत्यक्ष तर्पmकोे उम्मेदवार चयन गरिसकेको छ । एमालेका जिल्ला अध्यक्ष हरीप्रसाद घर्तीका अनुसार संघीय प्रतिनिधिसभाका लागि पोलितव्यूरो सदस्य एवं सचेतक गोकुल घर्ती उम्मेदवार बन्नेछन । क्षेत्र नम्बर १ बाट पर्शुराम घर्ती र क्षेत्र नम्बर २ बाट अध्यक्ष हरीप्रसाद घर्ती प्रदेशका लागि प्रत्यक्ष तर्पmको उम्मेदवार सिफारिस गरिएको छ । ‘हामीहरुले उम्मेदवार चयन गर्दैगर्दा बाम तालमेल र एकता लागि घोषणा भयो । तालमेल सहितको उम्मेदवार सिफारिस गर्ने केन्द्रबाट ठोस नीति आयो भने जिल्लामा एमाले र माओवादी केन्द्रका जिम्मेवार नेता बसेर टुंगो लगाउन सकिन्छ' अध्यक्ष घर्तीले भने । एमालेमा पनि समानुपातिक आकांक्षी धेरै रहेको जनाइएको छ ।
नेपाली कांग्रेसले असोज १६ र १७ गते दुई दिन उम्मेदवार सिफारिसका लागि बैठकको आयोजना गर्यो । लामो छलफलपछि सिँचाई राज्यमन्त्री एवं जिल्ला पार्टी सभापति अमरसिंह पुनमगरलाई प्रतिनिधि सभाका लागि प्रत्यक्ष उम्मेदवारका लागि सिफारिस गरिएको छ । क्षेत्रीय समितिले जिल्ला पार्टीलाई उम्मेदवारको सिफारिस गर्ने र आवश्यक राय सहित केन्द्रमा नाम पठाउने प्रावधान रहेको उपाध्यक्ष किशोर आचार्यले जानकारी दिए । आकांक्षी उम्मेदवारबाट ३÷३ जना सिफारिस गर्ने भनिएपनि आकांक्षीको लामो सूचि नै क्षेत्रबाट सिफारिस भएका छन् ।
प्रतिनिधि सभाका लागि समानुपातिकतर्फ क्षेत्र नम्बर २ बाट नेतृ भिमकुमारी बुढा र क्षेत्र नम्बर १ बाट आठ जनाको नाम सिफारिस गरिएको छ । संघीय समानुपातिक आकांक्षीमा माधवप्रसाद आचार्य, नारायण सुवेदी, मिश्री हमाल, रेगबहादुुर सुवेदी, सिमबहादुर विष्ट, दलसिंह कामी, हरिबहादुर राना र कविता उपाध्याय रहेका छन् ।
क्षेत्र नम्बर १ बाट पार्टी सचिव शेरबहादुर महरा प्रदेशका लागि प्रत्यक्ष तर्फ सर्वसम्मत उम्मेदवार सिफारिस गरिएका छन् भने क्षेत्र नम्बर २ बाट कोषाध्यक्ष खड्कबहादुर खत्री, खगेन्द्र हमाल र दिपक श्रेष्ठलाई सिफारिस गरिएको छ ।
कांगे्रसमा पनि समानुपातिकतर्फ धेरैको आकर्षण देखिएको छ । क्षेत्र नम्बर एकबाट प्रदेशका लागि समानुपातिकतर्फ पूर्व सांसद लेखनाथ आचार्य समेत अकांक्षी बनेका छन् । आचार्य रोल्पा नगरपालिकाको मेयरमा समेत उम्मेदवार भई माओवादी केन्द्रका पुरण केसीबाट पराजित भएका हुन् । समानुपातिकमा विद्यार्थी नेता मनोजमणि आचार्य, तिजा विष्ट, श्रीकुमारी रोका, मनिकला राना, पुष्पा श्रेष्ठ, पदम विष्ट र देवा आचार्य सिफारिसमा परेका छन् । क्षेत्र नम्बर २ बाट झक्कुप्रसाद घर्ती, बमबहादुर रोका, मोहन परियार, धनबहादुर रसाईली, टीका थापा, संकबहादुर छन्त्याल र टेकबहादुर बस्नेत प्रत्यक्ष तर्फको उम्मेदवार बन्दा धेरै खर्च हुने र जित पनि सुनिश्चित नहुने भएकाले धेरै नेता समानुपातिक तर्फ आकांक्षी बनेको बताइन्छ ।