सन्नी लियोन छोरीसँग व्यस्त !
एजेन्सी: बलिउडमा आफ्नो कब्जा जमाउन सफल अभिनेत्री सन्नी लियोन अहिले आमा बनेर छोरीसँग व्यस्त रहेकी छिन्। पति डेनियल वेबर र उनले एकजना बालिकालाई धर्मपुत्री बनाएपछि उनीहरु अहिले छोरीसँग व्यस्त भएको समाचार भारतीय सञ्चार माध्यमले दिएका छन्।
भारतीय राज्य महाराष्ट्रको लतुर भन्ने शहरबाट उनीहरुले उक जना बालिकालाई धर्मसन्तानका रुपमा स्वीकारेका थिए। सन्नीले लेखेकी छिन्, 'अहिले म छोरीसँगै व्यस्त छ। उसँग खेल्दा समय बितेको पत्तै हुँदैन।' उनले भनिन्, 'आमा बन्न पाएकोमा उत्साहित छु।उसलाई सिकाउनु पर्ने कुरा र घुमाउनु पर्ने ठाउँको कल्पना मात्रले पनि खुसी भइरहेकी छु।'
धर्मपुत्रीको नाम उनीहरुले निशा राखेका छन्। थर चाहि कौर वेबर राखेका छन्। पञ्जाबी मूलकी सन्नीको माइती थर कौर हो। बाबु र आमा दुवैले आफ्नो थर धर्मपुत्रीलाई दिएका हुन्। छोरी निशाको साथमा आफूहरुले अहिलेसम्मकै उत्कृष्ट क्षण भोगिरहेको सन्नीले बताएकी छिन्।
प्रतिक्रिया दिनुहोस !
