दर्शकले घेरिए छक्कापञ्जाका कलाकार
चितवन : बिहीबार दिउसोको सो हेर्नका लागि नारायणगण्को जलमा हलमा दर्शक भरिएका थिए । शान्त बनेको हल एकाएक हल्लाले गुञ्जियो । चलचित्रका निर्माता, निर्देशकसहित कलाकारको टोली एक्कासी देख्दा दर्शक दंग परे । सबैले ताली बजाएर हुटिङ गरे ।
चलचित्र सुरु हुनु अघि उनीहरुले दर्शकलाई धन्यवाद दिए । कोही फोटो खिचाउने र सेल्फी लिन थाले । निर्माता दिपकराज गिरीले दर्शकसंग दर्शकलाई स्वागत गरे । उनले हिन्दी चलचित्र छोडेर नेपाली चलचित्रतर्फ दर्शक आकर्षीत भएको भन्दै चलचित्र सफल भएको बताए ।
कलाकारले हलमा रहेका दर्शकलाई हँसाए । जितु नेपाल र माग्ने बुढाले ठट्यौली गर्दा दर्शक मजाले हाँसे । नायीका स्वस्तीमा खड्का पनि दर्शकको रोजाई बनिन् । हलभित्र र वाहिर उनीहरु दर्शकबाट घेरिए । दर्शकको प्रत्यक्ष प्रतिकृयाको लागि आएको कलाकार जितु नेपालले बताए । ‘ दर्शकबाट घेरिदा बेग्लै आनन्द आउँछ ' नेपालले भने ‘ हामीबाट दर्शकले केही पाए भने हाम्रो लागि त्यही नै कमाई हो '
दर्शकको माया पाएको भन्दै निर्देशक दीपा श्री निरौलाले धन्यवाद दिईन् । ‘चलचित्रको ब्यापार भन्दा पनि मन जोड्न आएका हौ, हामीले दर्शक कमाएका छौ' निरौलाले भनिन् ।
प्रतिक्रिया दिनुहोस !
