एसियामा सबैभन्दा बढी मत पार्इ नेपाल राष्ट्रसंघ मानवअधिकार परिषद् सदस्यमा निर्वाचित
काठमाडौं : संयुक्त राष्ट्रसंघ मानव अधिकार परिषद्को सदस्यमा नेपाल पहिलो पटक चुनिएको छ । अमेरिकाको न्यूयोर्कमा सोमबार सांझ सम्पन्न निर्वाचनबाट नेपाल सदस्य पदमा विजयी भएको राष्ट्रसंघका लागि नेपाली स्थायी नियोगले जनाएको छ ।
परिषद् सदस्यका लागि निर्वाचनमा उत्रिएका एसियाका ५ देश मध्ये नेपालले सबैभन्दा धेरै मत पाएको हो । नेपालले १६६ भोट प्राप्त गर्न सफल भयो । नेपाल सन् २०१८ देखि २०२० सम्मका लागि मानवअधिकार परिषद्मा सदस्य बनेको हो । सन् २००६ मा मानवअधिकार परिषद् बने यता पहिलोपटक नेपाल राष्ट्रसंघ मानवअधिकार परिषद् सदस्य बनेको हो ।
यद्यपी संयुक्त राष्ट्रसंघीय मानवअधिकार उच्चआयोग रहंदा सन् १९९५ देखि र २००० सम्म र सन २००४ देखि २००६ सम्म गरी दुई पटक नेपाल आयोग सदस्यमा निर्वाचित भएको थियो ।
एसिया प्यासिफिक ग्रुपबाट नेपाल संगै कतार, पाकिस्तान र अफगानिस्तान परिषद् सदस्यमा बिजयी भएका छन् । निर्वाचनमा मलेसिया पराजित भएको छ ।
परराष्ट्र सचिव शंकर दास बैरागीले नेपालले मानवअधिकार परिषद् सदस्यमा जित्नु गौरवको बिषय भएको बताए ।‘एसिया प्यासिफिक ग्रुपमा सबैभन्दा बढी मत पाएर मानवअधिकार परिषद् सदस्यमा हामी बिजयी भएका छौं । यो हाम्रो वहुक्षीय कुटनीतिमा महत्वपूर्ण उपलब्धि हो । आगामी दिनमा मानवअधिकारका क्षेत्रमा अन्तर्राष्ट्रिय तहमा अझ बढी काम गर्ने मौका प्रदान गर्नेछ’ सचिव बैरागीले अन्नपूर्णसंग भने ।
उनले नेपालले मानवअधिकार प्रवद्र्धन क्षेत्रमा अन्तर्राष्ट्रिय र घरेलु तहमा गरेका काम, प्रयास र प्रतिवद्धताको परिणामस्वरुप मानवअधिकार परिषद् सदस्यमा नेपाल निर्वाचित भएको प्रतिक्रिया दिए । उनले अब नेपालले संयुक्त राष्ट्रसंघीय सुरक्षा परिषद्को अस्थायी सदस्य बन्न प्रयास गर्ने बताए ।
परिषद् सदस्यमा विजय सुनिश्चित गर्न न्यूयोर्क र जेनेभास्थित राष्ट्रसंघ हेर्ने नेपाली नियोगमार्फत् केही समय यता नेपालले राष्ट्रसंघ सदस्य विभिन्न मुलुकसंग लविङ् गरेको थियो ।
परिषद् निर्वाचनमा विजयी हुने एसिया प्यासिफिक ग्रुपबाट नेपाल बाहेक अन्य सबै मुस्लिम मुलुक छन् । संयुक्त राष्ट्रसंघको न्यूयोर्कमा जारी ७२ औं महासभाका क्रममा मानवअधिकार परिषद् सदस्यका लागि निर्वाचन भएको हो ।
परराष्ट्र मन्त्रालयले मावअधिकार परिषद् सदस्यका लागि दुई बर्षअघि उम्मेद्वारी दिएको थियो । त्यसयता समय समयमा भएका द्वीपक्षीय तथा बहुपक्षीय फोरममा नेपालले परिषद् सदस्यका लागि विभिन्न मुलुकसंग आग्रह गर्दै आएको थियो ।
उपप्रधान तथा परराष्ट्रमन्त्री कृष्ण बहादुर महराले चार महिनाअघि भारत भ्रमणका क्रममा नयाँ दिल्लीबाट नेपाल मामिला हेर्ने विदेशी राजदूतसंग अन्र्तक्रिया गरी नेपाललाई मानवअधिकार परिषद् सदस्यमा समर्थन गर्न आह्वान गरेका थिए ।
प्रधानमन्त्री शेरबहादुर देउवाले राष्ट्रसंघको ७२ औं महासभाका क्रममा न्यूयोर्कमा सम्बोधन गर्दै नेपाललाई मानवअधिकार परिषद् सदस्यमा समर्थन गर्न विश्व समुदायलाई आह्वान गरेका थिए ।
‘एसिया प्यासिफिक ग्रुपमा सबैभन्दा बढी मत पाएर मानवअधिकार परिषद् सदस्यमा हामी विजयी भएका छौं । यो हाम्रो बहुपक्षीय कूटनीतिमा महत्वपूर्ण उपलब्धि हो । आगामी दिनमा मानवअधिकारका क्षेत्रमा अन्तर्राष्ट्रिय तहमा अझ बढी काम गर्न मौका प्रदान गर्नेछ’ सचिव बैरागीले अन्नपूर्णसँग भने ।
उनले नेपालले मानवअधिकार प्रवद्र्धनका क्षेत्रमा अन्तर्राष्ट्रिय र घरेलु तहमा गरेका काम, प्रयास र प्रतिबद्धताको परिणामस्वरूप मानवअधिकार परिषद् सदस्यमा नेपाल निर्वाचित भएको प्रतिक्रिया दिए । उनले अब नेपालले संयुक्त राष्ट्रसंघीय सुरक्षा परिषद्को अस्थायी सदस्य बन्न प्रयास गर्ने बताए ।
परिषद् सदस्यमा विजय सुनिश्चित गर्न न्युयोर्क र जेनेभास्थित राष्ट्रसंघ हेर्ने नेपाली नियोगमार्फत राष्ट्रसंघ सदस्य मुलुकसँग केही समययता नेपालले विभिन्न मुलुकसँग लबिङ गरेको थियो ।
परिषद् निर्वाचनमा विजयी हुने एसिया प्यासिफिक ग्रुपबाट नेपालबाहेक अन्य सबै मुस्लिम मुलुक छन् । संयुक्त राष्ट्रसंघको न्युयोर्कमा जारी ७२ औँ महासभाका क्रममा मानवअधिकार परिषद् सदस्यका लागि निर्वाचन भएको हो । परराष्ट्र मन्त्रालयले मावअधिकार परिषद् सदस्यका लागि दुई वर्षअघि उम्मेदवारी दिएको थियो । त्यसयता समय-समयमा भएका द्विपक्षीय तथा बहुपक्षीय फोरममा नेपालले परिषद् सदस्यका लागि विभिन्न मुलुकसँग आग्रह गर्दै आएको थियो ।
उपप्रधान तथा परराष्ट्रमन्त्री कृष्णबहादुर महराले चार महिनाअघि भारत भ्रमणका क्रममा नयाँदिल्लीबाट नेपाल मामिला हेर्ने विदेशी राजदूतसँग अन्तरक्रिया गरी नेपाललाई मानवअधिकार परिषद् सदस्यमा समर्थन गर्न आह्वान गरेका थिए ।
प्रधानमन्त्री शेरबहादुर देउवाले राष्ट्रसंघको ७२ औँ महासभाका क्रममा न्युयोर्कमा सम्बोधन गर्दै नेपाललाई मानवअधिकार परिषद् सदस्यमा समर्थन गर्न विश्व समुदायलाई आह्वान गरेका थिए ।