काठमाडौं : गायक देव कोइमीको ‘सायद यही होला माया’ बोलको पप गीतको भिडियो सार्वजनिक भएको छ। गीतमा कोइमीलाई अन्जली राईले गायनमा साथ दिएकी छिन्। गीतको भिडियोमा मोडल सन्तोष सेढाई र सुरबिना कार्कीले अभिनय गरेका छन्।
भिडियोमा युवा–युवती प्रेममा पर्दाका सुरुवाती क्षणलाई देखाइएको छ। मोडल कार्की चलचित्र ‘लुकामारी’ कि नायिका हुन् भने गायक कोइमीले यसअघि चलचित्र ‘मन्दिरामा’ को गीतमा स्वर दिइसकेका छन्।
भट्ट एण्ड सन्स प्रोडक्सनले निर्माण गरेको म्युजिक भिडियोको छायांकन उज्वन कुमार भारतीले गरेका हुन्। भिडियोको निर्देशन र सम्पादन जितेन्द्र राजोपाध्यायले गरेका हुन्।
प्रतिक्रिया दिनुहोस !
