बामगठबन्धनको सिट बाँडफाटमै लफडा
काठमाडौं : मंसिर १० र २१ गते हुने केन्द्र र प्रदेश सभाको निर्वाचनमा एमाले र माओवादी केन्द्रले बाम तालमेलको घोषणा गरेर टिकट बाडफाँटको प्रक्रिया अन्तिम चरणमा पुर्याएका छन् । तर कतिपय ठाउँमा कुरो नमिलेकाले सिट बाँडफाटमा लफडा भएको छ ।
भोजपुर जिल्ला एमालेका लागि अनुकुल भएपनि त्यहाँ माओवादीले मागेको छ । २०७० सालको संबिधान सभा निर्वाचनमा त्यहाँका दुबै सिट एमालेले भारी मत अन्तरले जितेको थियो । स्थानीय तहको निर्वाचनमा पनि भोजपुरमा एमालेले आफ्नो वर्चश्व कायमै राख्यो । तर एमालेकै शीर्ष नेतृत्वले भोजपुर जिल्ला माओवादीलाई दिएर सखुवासभा लिने प्रयास गरेका छन् ।
एमाले कार्यकर्ताले सिट बाडफाँट कार्यदलमा रहेका एमाले महासचिव इश्वर पोखरेलकै अगुवाइमा भोजपुर माओवादीलाई दिन लागिएकोमा चिन्ता व्यक्त गरेका छन् । संखुवासभामा जनमतका हिसाबले काँग्रेस पहिलो र एमाले दोश्रो स्थानमा छन् । २०७० सालको संबिधानसभा निर्वाचनमा संखुवासभाका दुबै सिटमा एमाले पराजित भएको थियो ।
गत संबिधानसभा निर्वाचनमा संखुवासभा निर्वाचन क्षेत्र नम्बर २ बाट पराजित भएका राजेन्द्र गौतमलाई फेरी उम्मेदवार बनाउने तयारी भएको छ भने उता भोजपुरमा भने प्रतिनिधिसभाका लागि एमाले केन्द्रीय सदस्य राजेन्द्र राई र सांसद कृपाशुर शेर्पा लगायतका नेताहरु सिफारिसमा परेका छन् । पुर्व मन्त्री समेत रहेका एक नम्बर प्रदेशका सह इञ्चार्ज शेरधन राईले मुख्य मन्त्री बन्ने आसमा प्रदेशसभा रोजिसकेका छन् । कृपाशुर शेर्पा पछिल्लो पटक बिभिन्न विवादमा परेका थिए । त्यसैले भोजपुरमा राजेन्द्र राईले टिकट पाउने निश्चित जस्तै भएको थियो । राजेन्द्र राई माधव नेपाल समूहका भएकाले महासचिव पोख्रेलले भोजपुर माओवदिलार्इ दिन लागेको आरोप छ ।