रुकुममा मनोनयन दर्ता : वाम गठबन्धन र कांग्रेसको प्रतिस्पर्धा हुने
रुकुमः रुकुममा वाम गठबन्धन र नेपाली कांग्रेसबीच प्रतिनिधिसभा र प्रदेशसभाको निर्वाचनमा मुख्य प्रतिस्पर्धा हुने भएको छ । वामको गठबन्धनको तर्फबाट पूर्वी रुकुमबाट प्रतिनिधिसभाका लागि कमला रोकाले उम्मेदवारी दर्ता गराएकी छिन् भने प्रदशेसभा १ मा तेजबहादुर ओली र २ मा पूर्ण घर्तीको उम्मेदवारी दर्ता भएको छ ।
पूर्वी रुकुममा नेपाली कांग्रेसको तर्फबाट प्रतिनिधिसभामा हरिशंकर घर्तीमगरले उम्मेदवारी दर्ता गराएका छन् भने प्रदेशसभा क्षेत्र १ मा दूतकुमार पुन र २ मा दत्तबहादु बस्नेतले उम्मेदवारी दर्ता गराएका छन् । पूर्वी रुकुममा माओवादीबाट असन्तु पूर्णिराज घर्तीले प्रदेशसभा १ र तेजेन्द्र
खामले प्रदेशसभा क्षेत्र २ बाट स्वतन्त्र उम्मेदवारी दिएका छन् ।
उता पश्चिम रुकुममा वाम गठबन्धनको तर्फबाट माओवादी नेता एवम् विना विभागीय मन्त्री जनार्दन शर्माले प्रतिनिधिसभाका लागि उम्मेदवारी दर्ता गराएका छन् भने प्रदेशसभा क्षेत्र १ मा रातो कामी र २ मा गोपाल शर्माको उम्मेदवारी दर्ता भएको छ । कांग्रेसले भने प्रनिनिधिसभा गोपालजीजंग शाह र प्रदेशसभा क्षेत्र १ कृष्णबहादुर रोकाए र २ मा खड्क डाँगीको उम्मेदवारी दर्ता गराएको छ ।
रुकुममा कांग्रेस र वाम गठबन्धनसँगै नयाँ शक्ति, संघीय समाजवादी, नेकपा (माले) र राष्ट्रिय जनमोर्चाले उम्मेदवारी दर्ता गराएका छन्।
प्रतिक्रिया दिनुहोस !
