काँकरभिट्टा गोल्डकप फुटबल भोलिदेखि
काँकरभिट्टा : मेची नेत्रालय काँकरभिट्टा गोल्डकप फुटबल प्रतियोगिताको तेस्रो संस्करण भोलिदेखि सुरु हुँदैछ । आयोजक काँकरभिट्टा फुटबल टे«निङ सेन्टरले मंगलबार पत्रकार सम्मेलन गरी प्रतियोगिताका बारेमा जानकारी दिएको हो । झापाको काँकरभिट्टा माविको खेल मैदानमा हुने प्रतियोगतामा नेपालका ए डिभिजनसहित भारतका गरी कुल १० वटा टिमले सहभागिता जनाउने आयोजक काँकरभिट्टा फुटबल ट्रेनिङ सेन्टरका अध्यक्ष मिनकुमार बस्नेतले जानकारी दिए ।
प्रतियोगितामा भारतको एक टोली र ‘ए डिभिजनका’ नौब टिमको सहभागिता रहने काकँरभिट्टा फुटबल ट्रेनिङ्ग सेन्टरका अध्यक्ष बस्नेतले जानकारी दिए । प्रतियोगितामा आयोजक काँकरभिट्टा फुटबल ट्रेनिङ सेन्टरसहित रमपम झापा–११, अग्नी रुपन्देही–११, मनाङ मस्र्याङदी क्लब, सशस्त्र प्रहरी बल, त्रिभुवन आर्मी क्लब, नेपाल पुलिस क्लब, हिमालयन शेर्पा क्लब, सुदूर पश्चिम–११ र भारत कोलकाताको सुभाष चन्द्र बोइज क्लबको सहभागिता रहेने बताइएको छ । भोलिको उद्घाटन खेल नेपाल पुलिस क्लब र कोलकाताबीच हुनेछ ।
मेची बस व्यवसायी संघ सहप्रायोजक रहेको उक्त प्रतियोगिताको विजेताले आठ लाख रुपैयाँ पुरस्कार पाउने छ । उपविजेता टिमले चार लाख एक हजार रुपैयाँ पाउने बस्नेतले जानकारी दिए । बस्नेतले प्रतियोगताका लागि ६३ लाख ९२ हजार खर्च लाग्ने बताए । उक्त प्रतियोगिताको फाइनल खेल आगामी मंसिर १५ गते हुनेछ ।
प्रतियोगिताका बारेमा जानकारी दिन आयोजित पत्रकार सम्मेलन ।