एसियाली छनोटमा नेपाल तेस्रो

एसियाली छनोटमा नेपाल तेस्रो

काठमाडौं : थाइल्यान्डमा सम्पन्न आईसीसी महिला टीट्वेन्टी विश्वकपको एसियाली छनोटमा नेपालले तेस्रो स्थान हात पारेको छ । तेस्रो स्थानका लागि सोमबार भएको खेलमा नेपालले हङकङलाई ३६ रनले हरायो ।

राउन्ड रोबिनमा शीर्ष दुईमा नपरेपछि विश्वस्तरको छनोटमा पुग्ने नेपालको सपना अधुरै रहेको थियो । राउन्ड रोबिनमा नेपाल तेस्रो र हङकङ चौथो स्थानमा थिए । पहिला ब्याटिङ गरेको नेपालले निर्धारित २० ओभरमा पाँच विकेट गुमाएर ९४ रन जोडेको थियो ।

नेपालको पालीमा पूर्वकप्तान नेरी थापाले सर्वाधिक ३८ रन जोडिन् । अविजित रहँदै रुविना क्षेत्रीले १५ र करुणा भण्डारीले १४ रन बनाए । काजल श्रेष्ठले १२, ज्योति पाण्डे र रीतु कनौजियाले दुईदुई तथा सीता रानामगरले तीन रन जोडे । हङकङ १९.५ ओभरमा ५८ रनमा समेटियो । हङकङलाई सस्तोमा समेट्न करुणाले तीन तथा शवनम राई, सीता रानामगर, नेरी थापा र रीतु कनौजियाले एक एक विकेट लिए ।

नेरी प्लेयर अफ दी म्याच घोषित भइन् । राउन्ड रोबिनमा सुरुका दुई खेल वर्षाका कारण रद्द भएपछि थाइल्यान्ड र हङकङसँग अंक बाँडेको नेपालले यूएईसँग पाँच रनको हार व्यहोरेपछि छनोट सम्भावना कमजोर बनेको थियो । राउन्ड रोबिनका अन्य खेलमा नेपालले मलेसिया र चीनलाई भने हराएको थियो । यस प्रतियोगिताबाट थाइल्यान्ड र यूएई विश्वस्तरको छनोटमा पुगेका छन् । यूएईले पहिलो पटक महिला क्रिकेटमा अन्तर्राष्ट्रिय प्रतियोगिता खेलेको हो ।

थाइल्यान्ड लगातार च्याम्पियन

प्रतियोगिताको उपाधि लगातार तेस्रो पटक थाइल्यान्डले जितेको छ । सोमबार भएको फाइनलमा थाइल्यान्डले यूएईलाई २२ रनले हरायो । पहिला ब्याटिङ गरेको थाइल्यान्डले ७८ रन जोडेको थियो । यूएईले भने निर्धारित २० ओभरमा नौ विकेट गुमाएर ५६ रनमात्र जोड्न सक्यो । थाइल्यान्डले यसअघि आयोजित सबै दुई संस्करणको उपाधि जितेको थियो । दुवै पटक फाइनलमा चीनलाई हराएको थियो ।


प्रतिक्रिया दिनुहोस !

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.