उम्मेदवारको गाडीमा विस्फोट
मलंगवाः सर्लाहीको छुट्टाछुट्टै दुई स्थानमा सोमबार बम विस्फोट भएको छ। कर्मैयामा सोमबार बिहान पे्रसर कुकर बम विष्फोट भएको छ।
कर्मैयाको पुतली चौकबाट करिव ५ किलोमिटर दक्षिण गोडारी खोला नजिक बाटो छेउमा बम विस्फोट भएको हो। घटनास्थल आसपास सानो पे्रसर कुकर र बम बनाउन प्रयोग हुने विद्युतीय उपकरणका टुक्रा छरिएको अवस्थामा भेटिएको र मानवीय क्षति भने नभएको इलाका प्रहरी कार्यालय कर्मैयाले जनाएको छ।
बम राख्ने व्यक्तिको खोजी भइरहेको सर्लाहीका प्रहरी प्रवक्ता एवं डिएसपी राजेश थापाले जानकारी दिएका छन् । यसैबीच सदरमुकाम मलंगवास्थित एक स्वतन्त्र उम्मेदवारको घरमा पनि बम विष्फोट भएको छ। क्षेत्र नं. २ की स्वतन्त्र उम्मेदवार राधा मौसीको घरमा पार्किङ गरेर राखिएको एच पी १९ सी ९९७३ नम्बरको गाडीभित्र बम विष्फोट भएपनि मानवीय क्षति नभएको डिएसपी थापाले जनाए।
घटनाको विषयमा प्रहरीले अनुसन्धान गरिरहेको छ।
प्रतिक्रिया दिनुहोस !
