काठमाडौं : गोरखा क्षेत्र नम्बर २ का वाम गठबन्धनका उम्मेदवार नारायणकाजी श्रेष्ठले हार स्वीकार गर्दै बाबुराम भट्टराईलाई बधाइ दिएका छन्। सबैभन्दा धेरै चर्चामा रहेको गोरखा क्षेत्र नम्बर २ मा आफू पराजित हुने निश्चित भएपछि श्रेष्ठले भट्टराईलाई बधाई दिएका हुन्।
ट्विटरमार्फत् बाबुरामलाई बधाइ दिँदै नारायणकाजीले हार स्वीकार गरेका हुन्। ‘गोरखा २ का आदरणीय मतदाताको निर्णयलाई शिरोधार्य गर्दे विजयका निम्ति डा. बाबुराम भट्टराईलाई हार्दिक बाधाइ। निर्वाचनमा मलाई समर्थन र सहयोग गर्नुहुने मतदाता, वाम गठबन्धनका नेता कार्यकर्ताहरु, आफन्तजन, शुभेच्छुकहरु सबैलाई आभार तथा धन्यवाद’, ट्विटरमा श्रेष्ठले भनेका छन्, ‘मैले सधै नेपाली कम्युनिस्ट आन्दोलनको एकीकरण र वाम गठबन्धनको पक्षमा प्रयत्न गरिरहेँ। व्यक्तिगत रुपमा मेरो पराजय भए पनि वाम गठबन्धनको शादार विजयबाट म अत्यन्त खुशी छु। मेरा लागि यो नै ठूलो विजय हो। वाम सरकारद्वारा समाजवाद उन्मुख समृद्धि हाँसिल गर्न र पार्टी एकता सफल पार्न लागि पर्नेछु ।’
प्रतिक्रिया दिनुहोस !
