क्षयरोगीको सर्वेक्षण सुरु, रोगीको अवस्थाबारे जानकारी लिइने
भक्तपुर : नेपालमा पहिलो पटक बृहत् राष्ट्रिय क्षयरोग प्रसार सर्वेक्षण कार्यक्रम सुरु हुने भएको छ । राष्ट्रिय क्षयरोग केन्द्रले आगामी जनवरीदेखि गर्न सर्वेक्षणमा देशभरका नयाँ र पुराना क्षयरोगीको अवस्था बरे जानकारी लिइले केन्द्रका निर्देशक डा केदार नरसिंह केसीले बताए ।
देशभर समेट्ने गरी ५५ जिल्लाका ९९ वटा क्लष्टर छुट्याएर बिरामीको घरमै पुगी अत्याधुनिक डिजिटल प्रविधिद्वारा रोग निदान र परीक्षणको माध्यमबाट क्षयरोगको वास्तविक अवस्था आँकलन गरिने उनको भनाइ छ । उसका लागि पूर्व तयारी प्रशिक्षण कार्य सम्पन्न भएसकेको छ ।
प्रतिवर्ष ४४ हजार नयाँ क्षयरोगी भएको तथ्यांक रहेपनि मुलुकमा ५८ देखि ६० हजारको संख्यामा क्षयरोगी हुनसक्ने आँकलन रहेको केन्द्रका योजना प्रमुख अनिल थापाको भनाइ छ ।
सर्वेक्षणबाट क्षयरोगको अवस्था, निको हुने दर, नयाँ बिरामी थपिने दर, नयाँ रोगीको संख्या, रोगीको अवस्थाबारे जानकारी प्राप्त हुने बताइएको छ ।
दामियन फाउण्डेशन नेपालका प्रतिनिधि डा सुशील कोइरालाले सुरु भएको छोटो अवधिमै उपचार विधि र सर्वेक्षण क्षयरोग उन्मूलनमा सहयोगी हुने बताए ।