मैत्रीपूर्ण फुटबल : विजेतालार्इ बाेका उपहार
दमौली : दमौलीमा सञ्चालित मैत्रीपूर्ण फुटबल प्रतियोगितामा आयोजक लायन्स क्लब अफ तनहुँ भानुभक्त र पत्रकार महासंघ तनहुँबीच बराबरी भएको छ । लायन्स क्लब अफ तनहुँलाई ३–० ले हराएर फाइनल पुगेको पत्रकार महासंघ र लायन्स क्लब अफ तनहुँ व्यास सिटीलाई १–० ले हराएको लायन्स क्लब अफ तनहुँ भानुभक्तबीच निर्धारित समयमा १–१ को बराबरी भए पछि दुवै टिमलाई विजेता घोषणा गरिएको हो ।
लायन्स क्लबका रिजन चियरपर्शन चुडामणि दाहालले दुवै विजेतालाई उपहार स्वरुप संयुक्त रुपमा बोका प्रदान गरे । आयोजक क्लबका अध्यक्ष कविराज श्रेष्ठको अध्यक्षतामा भएको पुरस्कार वितरण कार्यक्रममा पत्रकार महासंघ तनहुँका अध्यक्ष ओमकार आचार्य, पूर्व अध्यक्ष प्रदीप काफ्ले, आयोजक क्लबका पूर्व अध्यक्ष विश्वेश्वर खनाल, क्लबका उपाध्यक्ष विष्णु पराजुलीलगायतले बोलेका थिए ।
कार्यक्रम सकिए पछि अकला मन्दिरमा सामूहिक भोज आयोजना गरिएको थियो ।
प्रतिक्रिया दिनुहोस !
