माउण्ट एभरेष्ट र मेगा बैंक हात्ति पोलोको फाईनलमा
सौराहा : माउन्ट एभरेस्ट ग्रुप र मेगा बैंक हात्तीपोलोको फाइनलमा पुगेका छन् । सौराहामा जारी १४औं हात्ती महोत्सवअन्तर्गतको हात्तीपोलोमा शुक्रबार भएको सेमिफाइनल जित्दै माउन्ट एभरेस्ट र मेगा बैंक उपाधि नजिक पुगेका हुन् ।
माउन्ट एभेरस्टले नेपाल स्पोर्ट्स यूएसएलाई ४–३ गोलले पराजित ग¥यो । एभरेस्टका चन्द्रबहादुर तामाङले ह्याट्रिक गरे । त्यस्तै विश्व चौधरीले एक गोल थपे । नेपाल स्पोर्ट्सका योगेन्द्रनाथ अधिकारीले सान्त्वना गोल फर्काए ।
शुक्रबार नै भएको दोस्रो सेमिफाइनलमा मेगा बैंकले एनआईसी एसिया बैंकलाई ४– ३ ले पराजित ग¥यो । मेगाको जितमा चन्द्रबहादुर तामाङले तीन तथा योगेन्द्रनाथ अधिकारीले एक गोल गरे । एनआईसी एसियाका सन्तकुमार महतोले दुई तथा ठगुवा पञ्जियारले एक गोल गरे ।
हात्ती फुटबलमा प्रभु बैंक तेस्रो भयो । मारुतीकलीको एकमात्र गोलले प्रभुले जित निकाल्यो । हात्ती फुटबलमा शनिबार कुमारी बैंक र सिजी फुड्सबीच फाइनल हुनेछ ।
शुक्रबार नै भएको हात्ती फास्टवाकमा ६ हात्ती फाइनल पुगेका छन् । एकताकली, बम्बोजकली, अनारकली, चम्पाकली, लक्कीकली, रानीमायाकलीले फाइनलमा स्थान बनाए । १२ वटा हात्तीबाट उत्कृष्ट ६ हात्ती छानिएका हुन् ।
प्रतिक्रिया दिनुहोस !
