एजेन्सी: घरपालुवा जनावर कुकुर-बिरालोलार्इ मानिसले धेरै नै माया गर्छन् । तर मुसासँगको अगाध प्रेमले एकजना बालिकाले ज्यानै दिएकी छन् ।
यस्तै घटना भारतको मध्यप्रदेश राज्यको राजधानी भोपालबाट सार्वजनिक भएको छ। एक अबोध बालिकाले आफ्नो घरपालुवा सेतो मुसो मरेको शोकमा आत्महत्या नै गरेकी छन्।
भोपालको अयोध्या नगरमा एक १२ वर्षीय स्कुले छात्राले आफ्नो घरपालुवा सेतो मुसोको मृत्युपछि शोकमग्न भएर घरमै पासो लगाएर झुन्डिइ आत्महत्या गरेकी हुन् ।
अयोध्या नगर पुलिस थाना प्रभारी बलजीत सिंहले भने, 'घरमा पालेको सेतो मुसो मरेपछि दु:खी भएकी दिव्यांशी राठौरले शुक्रबार आफ्नै घरको कोठामा सलको पासो लगाएर आत्महत्या गरेकी हुन् । उनी सहरको अयोध्या नगर इलाकास्थित सुरभी विहार परिसरमा बस्थिन् । दिव्यांशी सेन्ट पल स्कुलमा ७ कक्षाकी छात्रा थिइन् ।'
सिंहका अनुसार दिव्यांशीका परिवारजनका अनुसार यो मुसालार्इ चार-पाँच दिनअघि उनका पिता महेन्द्र सिंह राठौरले लिएर आएका थिए । उनी केही दिनमै यो मुसासँग घुलमिल भएकी थिइन् । शुक्रबार बिहान यो मुसो मरेको थियो । जसका कारण उनी धेरै उदाश र शोकमग्न भएकी थिइन् । सिंहका अनुसार उनले झुन्डिनुअघि उनले आफ्नो घरको आँगनमा बनेको क्यारीमा यस मुसालार्इ गाडेपछि फूल चढाएर श्रद्धाञ्जली पनि दिएकी थिइन् ।
सिंहले बताए अनुसार मुसालार्इ गाडेपछि उनी आफ्नो कोठामा गएकी थिइन् । कोठामा पसेकी उनी लामो समयसम्म निस्केकी थिइनन् । दिव्यांशी ननिस्केपछि उनकी आमा कोठामा पस्न खोजिन् तर कोठाको भित्रबाट चुकुल लगाइएको थियो ।
त्यसपछि उनले ठुलो आवाजले छोरीलार्इ बोलाइन् । तर दिव्यांशीले कुनै प्रतिक्रिया दिइनन् । छोरी भित्रबाट नबोलेपछि छिमेकीलार्इ बोलाएर ढोका फोडी भित्र पस्दा दिव्यांशले झुन्डिएर ज्यान दिइसकेकी थिइन् ।
प्रतिक्रिया दिनुहोस !
