निशुल्क वितरणको स्लाइन विक्रीमा
सिन्धुली : सरकारले निशुल्क वितरण गरिरहेको स्लाइन पानी दुधौली नगरपालिका १३ मा रहेको स्वास्थ्य चौकीमा विक्री गर्ने गरिएको पाइएको छ । स्वास्थ्य चौकीका इन्चार्ज बदरुल अन्सारीले निशुल्क वितरणका लागि आएको स्लाइन पानी विक्री गर्ने गरेको खुलेको हो ।
‘स्थानीय पीडितको उजुरीका आधारमा वडा कार्यालयबाट गरिएको अनुगमनमा समेत अन्सारीले स्लाइन पानी विक्री गरेको पाइएको छ,’ वडाध्यक्ष मिलन सुनुवारले भने । स्लाइन पानीको बोतलमा रहेको निशुल्क लेखिएको स्टीकर च्यातेर विक्री गर्ने गरिएको पाइएको छ । स्वास्थ्य चौकीमा रहेका अधिकांस स्लाइन पानीका बोतलका स्टीकर च्यातिएको अवस्थामा पाइएको उनको भनाइ छ ।
‘स्थानीयको आरोप र स्वास्थ्य चौकीमा गरिएको अनुगमनका क्रममा बोतलको स्टीकर च्यातिएको पाइनुले इन्चार्ज माथि लागेको आरोप पुष्टि गर्दछ । घटनाको थप छानविनका लागि दुधौली नगरपालिकामा सिफारीस गरिएको छ,’ वडाध्यक्षले थपे ।
उक्त विषयमा इञ्चार्जसँग सम्पर्क गर्दा गाडिमा सामान ल्याउदा घिस्रीएर च्यातीएको हुन सक्ने दाबी गरे ।
प्रतिक्रिया दिनुहोस !
