प्रदेश ३ का सांसदले लिए सपथ
हेटौंडा : ३ नम्बर प्रदेशका सांसदहरूले पद तथा गोपनीयताको सपथ लिएका छन्। आइतबार बिहान साढे ११ बजे हेटौंडा १० स्थित प्रदेश सांसद सचिवालय सभाहलमा १०९ जना सांसदले पद तथा गोपनीयतको सपथ लिएका हुन्।
उनीहरूलाई प्रदेश प्रमुख अनुराधा कोइरालाको उपस्थितिमा जेष्ठ सदस्य डोरमणि पौडेलले सपथ खुवाएका हुन्। देश र ईश्वरको नाममा सपथ लिँदै सांसदहरूले देश विकासमा जुट्ने प्रतिबद्धता ब्यक्त गरेका छन्।
यस अघि प्रदेश प्रमुख कोइरालाले जेष्ठ सांसद डोरमणि पौडेललाई सपथ खुवाएका थिए। सपथ ग्रहणका लागि आएका सांसदहरुलाई पन्चे बाजा, धिमे बाजा सहित फूलमाला र खादाले स्वात गरेका थिए।
प्रदेश प्रमुख अनुराधा कोइराला र जेष्ठ सदस्य सांसद डोरमणि पौडेल।
प्रतिक्रिया दिनुहोस !
८
