एजेन्सी: मानिसहरु आफू चर्चामा आउनका लागि अनेकौँ अनौठा काम गर्छन् । डर लाग्दा गतिविधि गर्दा कतिपयले त ज्यानै पनि गुमाउँछन् । मानिसहरु आफ्नो ज्यानलाई खतरामा पारेर स्टन्ट गर्ने कोशिश पनि गर्छन् ।
यस्तै एउटा भिडियो अहिले सामाजिक सञ्जालमा भाइरल भइरहेको छ। भिडियोमा एकजना एक कश्मिरी युवा रेलवे ट्रयाकमा सुतिरहेका देख्न सकिन्छ । केहीबेरमा उनीमाथिबाट एउटा रेल तीब्र गतिमा दौडिन्छ । रेल गइसकेपछि उठेर ती युवाले युद्ध जिते जस्तै खुसियाली मनाउँछन् । तर सानो गल्तीबाट पनि उनको ज्यान जान सक्थ्यो ।
अर्कातिर भिडियो रेकर्ड गरिरहेका अर्का युवा भने उनलाई उक्साइरहेका हुन्छन् । उनलाई उक्साउँदै ती युवा भिडियो खिचिरहेका हुन्छन् । जसले यो भिडियो ट्विटरमा सेयर गरेका छन् उनले यो भिडियो जम्मु-कश्मिर पुलिस र जम्मु-कश्मिरका पूर्वमुख्यमन्त्री उमर अबदुल्लालाई पनि ट्याग गरेका छन् । त्यसपछि उमर अब्दुल्लाले पनि यो भिडियो सेयर गरेर उनलाई मुर्खको संज्ञा दिएका छन् ।
ट्विटरमा प्रयोगकर्ताहरुले यो भिडियो तीब्र विरोध गरेका छन् । ती युवाले लगाएको लुगा यदि रेलमा अल्झिएको भए उनको ज्यान पनि जान्थ्यो । यदि ती युवाको ज्यान गएको थियो भने रेलका चालकले पनि आफ्ना कारणले उनको ज्यान गयो भनेर पछुताउनुपर्ने अवस्था हुन्थ्यो । यो भिडियो अहिले तीब्र गतिमा सामाजिक सञ्जालमा भाइरल भइरहेको छ।
भिडियो
Strict action need against these insane guys. Video needs no caption. #Kashmir . Cc @MehboobaMufti @spvaid @JmuKmrPolice @OmarAbdullah pic.twitter.com/eaJNRnaBos
— Umar Ganie (@UmarGanie1) January 23, 2018
प्रतिक्रिया दिनुहोस !
