एजेन्सी: भारतको गणतन्त्र दिवस परेडका क्रममा महिलाहरु आफूहरु पुरुष भन्दा कुनै कुरामा कम नभएको सन्देश दिएका छन् । शुक्रबार दिल्लीमा भएको परेडको समयमा भारतीय सीमा सुरक्षा बलका महिला जवानहरुले रोयल इन्फिल्ड मोटरसाइकलमा चढेर जब निस्किए कार्यक्रमस्थलको माहोल नै अर्कै बन्यो ।
सीमा भवानीका यी महिला सिपाहीहरु रोयल इन्फिल्डमा सवार भएर निस्किँदा राजपथमा उपस्थित हजारौँ दर्शकले उठेर ताली बजाए । दर्शकदीर्घको भीआईपी कक्षमा रहेका भारतीय राष्ट्रपति रामनाथ कोभिन्द पनि ताली बजाउँदै उठेर उनीहरुको हौसला बढाए ।
भारतीय प्रधानमन्त्री नरेन्द्र मोदीदेखि राष्ट्रपित कोभिन्दसहित १० देशबाट आएका भीआईपी पाहुनाले पनि उनीहरुको स्वागतमा ताली बजाए । सबै एकसाथ उभिएर यी महिला डेयरडेभिल्सको हौसला बढाउँदै कार्यक्रम हेरेका थिए ।
यी महिला सिपाहीँ सबैभन्दा भारी मानिने रोयल इनफिल्ड बुलेटमा स्टन्ट गर्दै राजपथमा ओर्लिँदा अन्य महिला पनि खुसीले रमाएका थिए । भारतको ७० वर्षको इतिहासमा पहिलो पटक सीमा सुरक्षा बलका महिला महिला स्टन्ट र एक्रोब्याटिक गर्दै राजपथमा उत्रेका हुन् ।
सीमा भवानीका यी महिलाहरुले मोटरसाइकलमा बसेर किसिम किसिमका पोज पनि दिए । उनीहरुले पुरुष साथीहरुलाई टक्कर दिने क्रममा कुनै कसर बाँकी छाडेनन् । एक्रोब्याटिकका क्रममा कहिले मयुरको पोजमा त कहिले योगको पोजमा उनीहरु देखिए । यो परेडको खास दृश्य भनेको एकै मोटरसाइकलमा १० जना महिला सिपाहीँ सवार भएर गरिएको स्टन्ट पनि थियो ।
राजपथमा यो पुरै स्टन्टको नेतृत्व जम्मु कश्मिर क्षेत्रको लद्दाखकी सब-इन्सपेक्टर स्टान्जिन नोरयाङ्गले गरेकी थिइन् । नोरयाङ्ग यसअघि कहिल्यै मोटरसाइकल चलाउँदिन थिइन् । भारतको गणतन्त्र दिवसमा पहिलो पटक महिला कन्टिजेन्ट २०१५ मा परेडमा सहभागी भएका थिए ।
We don't want you to miss this! Get amazed again by the wonderful display of riding skills, by the all-woman Daredevils Team #SeemaBhawani of @BSF_India #RepublicDay pic.twitter.com/Z80XOwMEhD
— PIB India (@PIB_India) January 26, 2018
प्रतिक्रिया दिनुहोस !
