काठमाडौं : गायिका ज्योती मगर र गायक तेजस रेग्मीको आवाजमा सजिएको गीत ‘स्याल कुखुरी’को म्यूजिक भिडियो सार्वजनिक भएको छ । भिडियो सार्वजनिक भएको छोटो समयमा नै गीतले सांगीतिक बजारमा राम्रो चर्चा कमाइरहेको छ ।
तेजसकै शब्द तथा संगीत रहेको गीतको भिडियोलाई निर्देशक सरोज रोशन भट्टरार्इले प्रस्तुत गरेका हुन् । सुजन शाहीको सम्पादन रहेको उक्त भिडियोमा यादव देवकोटा, ज्योती मगर र राजु भुजेलले मोडलिङ गरेका छन् ।
भिडियोमा ‘सरापे’ नामले परिचित यादव देवकोटालाई पाँच भिन्ना भिन्नै गेटअपमा प्रस्तुत गरिएको छ । भिडियो दर्शकले अत्यधिक रुचाएसँगै ट्रेण्डिगंमा समेत परेको छ । यसलाई कामना डिजिटल प्रालीले बजारमा ल्याएको हो ।
प्रतिक्रिया दिनुहोस !
