एजेन्सी: अनलाइन ठगीबारे विश्वभरबाट दैनिक जसो नयाँ नयाँ खबर आइरहन्छन् । यस्तै एउटा समाचार भारतबाट सार्वजनिक भएको छ । अनलाइनबाट आईफोन अर्डर गर्दा कसैको घरमा साबुन आइपुग्यो भने कसैकहाँ डिटर्जेन्ट बार ।
यो पटक यस्तै एयटा घटना भएको छ । एक व्यक्तिले अनलाइनबाट आईफोन किन्दा ५५ हजार भारतीय रुपैयाँ गुमाउनुपरेको छ । ती व्यक्तिलाई नाम चलेको भारतीय अनलाइन बजार फ्लिपकार्टले उनलाई यति ठुलो धोका दिन्छ भन्ने विश्वास पनि थिए ।
मुम्बईका २६ वर्षीय एक सफ्टवेयर इन्जिनियरले एक प्रमुख अनलाइन विक्रेता कम्पनी फ्लिपकार्टले आईफोन-८ को स्थानमा एक डिटर्जेन्ट बार पठाइदिएको आरोप लगाएका छन् । आईफोन अर्डर गर्दा डिटर्जेन्ट बार पठाइदिएपछि अहिले फ्लिप कार्टको आलोचना सुरु भएको छ भने ती युवाले रकम पनि फिर्ता मागेका छन् ।
यस घटनापछि उनी मध्य मुम्बईको बायकुला पुलिस स्टेशनमा गएर फ्लिपकार्टविरुद्ध ठगीको मुद्दा दर्ता गराएका छन् । उजुरी गर्ने तबरेज मेहबुब नगरालीले फ्लिप कार्टको सपिङ पोर्टलमा आईफोन-८ अर्डर गर्दा ५५ हजार भारतीय रुपैयाँ तिरेका थिए । तर २२ जनवरीमा नयाँ मुम्बई नजिकै पनवेलमा रहेको उनको घरमा एउटा प्याकेट आइपुग्यो, जसमा थियो आईफोनको साटो डिटर्जेन्ट बार ।
बायकुला पुलिस स्टेशनका वरिष्ठ पुलिस निरीक्षक अविनाश सिंगटेले भने, 'नगरालीले उजुरी गरेका छन् । फ्लिपकार्टविरुद्ध ठगीको मामिला दर्ता भएकाले कारबाही अघि बढाएका छौँ । । फ्लिपकार्टका एक प्रवक्ताले भने कम्पनीले यस घटनाको जाँच गरिरहेको जानकारी दिएका छन् ।
प्रतिक्रिया दिनुहोस !
