काठमाडौं : गायिका निर्मला घिसिङको म्युजिक भिडियोमा नायिका स्वस्तिमा खड्का डबल रोलमा देखिएकी छिन् । ‘सिरिसी चल्यो हावा’ बोलको म्युजिक भिडियोमा स्वस्तिमाको नृत्यका साथै अभिनय समेत समावेश छ । भिडियो अपलोड गरेको एक साता नपुग्दै एक लाख बढी भ्यूअर्सले हेरेपछि गायिका घिसिङ उत्साहित छिन् ।
आफ्नो आवाजसँगै शब्द संगीत र स्वस्तिमाको नृत्यका कारण भिडियो दर्शकले मन पराएको निर्मलाले प्रतिक्रिया दिइन् । म्युजिक भिडियोमा केही नयाँपनको प्रयोग गर्न खोजिएकाले दर्शकको माया पाएको उनको भनाइ छ । भन्छिन्, ‘परम्परागत म्युजिक भिडियो भन्दा नयाँ गर्ने कोसिस गरिएको छ । त्यसैले होला सार्वजनिक भएको केही दिनमै लाखौं स्रोताको माया पाएँ ।’
म्युजिक भिडियोमा बबिराज घतानीको शब्द र संगीत रहेको छ भने निर्देशक निकेश खड्काले गरेका छन् । त्यस्तै छायांकन बुद्ध थापाले गरेका छन् भने राजिव समरले कोरियाग्राफी गरेका छन् । निर्मलाको यसअघि नै ‘खबर’ र ‘रहर’ दुई सोलो एल्बम स्रोतामाझ आइसकेको छ ।
प्रतिक्रिया दिनुहोस !
