काठमाडौँ: चर्चामा रहेको नेपाली कथानाक फिल्म ‘नाका’को ट्रेलर शुक्रबार रिलिज भएको छ । आगामी फागु पूर्णिमा अर्थात फागुन १८ गते रिलिज गर्न लागिएको यो फिल्मको ट्रेलर रिलिज गरिएको हो । ट्रेलरमा 'पशुपतिप्रसाद' का चर्चित भस्मे डन अर्थात कलाकार विपिन कार्की फरक गेटअपमा देखिएका छन् ।
अमित श्रेष्ठले निर्देशन गरेको यो फिल्ममा विपिन फेरि डनको रुपमा देखिएका हुन् । यो फिल्ममा उनी फरक शैली र रुपमा प्रस्तुत भएका छन् । यो ट्रेलरमा विपिनसँगै अन्य प्रमुख कलाकारहरु थिन्ले ल्हामो, रोविन तामाङ र शिव मुखिया पनि देखिएका छन् ।
कमेडी थ्रिलर यो फिल्मको दृश्यांकन चिन्तन राजभण्डारीले गरेका हुन् । यो फिल्ममा अभिषेक सुवेदीको कथा छ । यो फिल्मको निर्मातामा प्रविण थक्की कार्की रहेका छन् ।
भिडियो:
प्रतिक्रिया दिनुहोस !
