विराटनगर : प्रदेश नम्बर १ को भावी मुख्यमन्त्रीका लागि अहिले नेकपा एमाले संसदीय दलको मतदान सुरु भएको छ । संसदीय दलको नेताका लागि पार्टी सचिव तथा एक नम्बर प्रदेश संयोजक भीम आचार्य र पोलिटब्युरो सदस्य तथा प्रदेश सह–संयोजक शेरधन राईले उम्मेदवारी दिएका छन् ।
यसअघि संसदीय दलको नेतामा दाबी गर्दै आएका नेता जीवन घिमिरेले उम्मेदवारी फिर्ता लिएपछि दुई नेताबीच भिडन्त हुने भएको हो ।
संसदीय दलको नेताका लागि शेरधन राईको उम्मेदवारीमा प्रस्तावक र समर्थकमा सुनसरीका जगदीश कुसियत र झापाका हिक्मत कार्की रहेका छन् ।आचार्यको समर्थक र प्रस्तावकमा गणेश काङवाङ (पाँचथर) र तुलसी न्यौपाने (संखुवासभा) रहेका छन् ।
प्रतिक्रिया दिनुहोस !
