जनकपुर : एमाले प्रदेश २ को संसदीय दलको नेतामा सत्यनारायण मण्डल निर्वाचित भएका छन्। बिहीबार संंसदीय दलको नेताका लागि भएको निर्वाचनमा मण्डलले चार मतको अन्तरले शत्रुधन महतोलाई पराजित गरेका छन्।
सर्वसम्मतको प्रयास असफल भएपछि मण्डल र महतो निर्वाचनमा होमिएका थिए। एमाले स्थायी समिति सदस्य समेत रहेका मण्डलले १२ मत प्राप्त गरेका छन् भने वैकल्पिक पोलिटब्यूरो सदस्य महतोले ८ मत पाएका छन्। एक मत बदर भएको छ। मण्डल अध्यक्ष केपी शर्मा ओली पक्षधर हुन् भने महतो माधव नेपाल पक्षधर हुन्।
मण्डल सप्तरी क्षेत्र नम्बर १ ‘क’ र महतो घनुषा क्षेत्र नम््रबर ४‘ख’ बाट प्रदेश सभा सदस्यमा निर्वाचित भएका छन्। प्रदेश २ मा एमालेले प्रत्यक्षमा १४ र समानुपतिकमा ७ गरी २१ सिट जितेको छ।एमालेको संसदीय दलको नेता प्रदेश २ को विपक्षी दलको नेता समेत हुनेछन्।
प्रतिक्रिया दिनुहोस !
