एजेन्सी: बलिउडकी प्रख्यात अभिनेत्री श्रीदेवीको ५४ वर्षको उमेरमा हृदयघातका कारण निधन भएको छ । स्वास्थ्यकर्मीहरुले हृदयघात मानिसलाई जुनसुकै बेला पनि हुन सक्ने बताउने गरेका छन् ।
तर तपाईँलाई थाहा छ ? हृदयघात हुने संकेत एक महिना भन्दा पहिलेदेखि नै मिलिसकेको हुन्छ । हृदयघातका लक्षणबारेमा आउनुस् बिस्तृतमा चर्चा गरौँ ।
च्यापु, दाँत तथा टाउको दुख्नु : मानिसहरु केही रोगले सतायो भने सबैभन्दा पहिले टाउको दुखेको भन्दै समातेर बस्छन् । हृदयघातका कयौँ बिरामीलाई पनि छाति र टाउको दुख्नुका साथै हात, घाँटी, च्यापु, दाँत तथा टाउको दुखेको गुनासो चिकित्सकसँग गर्ने गरेका छन् । यदि तपाईँलाई पनि यस्तै प्रकारको समस्या आइ लाग्यो भने तत्कालै स्वास्थ्य जाँच गरी जानु जरुरी छ।
छाति दुख्ने र जलन: यदि तपाईको छातिमा लगातार पीडा तथा तनाव भयो भने तपाईँलाई हृदयघातको लक्षण दिएको हुन सक्छ । निरन्तर छातिको दुखाई भयो भने चिकित्सकहाँ परामर्श लिइजानुपर्छ ।
श्वास लिनमा सस्या: श्वास लिन समस्या भइरहेको छ या पुर्णरुपमा श्वास लिइसकेपछि पनि तपाईँलाई श्वासको कमी भइरहेको छ भने यसलाई पनि हृदयघातको संकेतका रुपमा बुझ्नुपर्छ ।
बान्ता: पटक पटक बान्ता र पेटमा पीडा हुन्छ भने यसलाई पनि हृदयघात भन्दा पहिला देखिन लक्षणका रुपमा बुझेर सावधानी अपनाउनुपर्छ ।
काँधमा पीडा: हातका अलावा यदि लगातार तपाईँको काँधमा पनि पीडा भइरहेको या ढाडको माथिल्लो भागमा पनि पीडा हुँदैछ भने सावधानी अपनाउनुपर्छ । यदि तपाईँलाई पनि यस्तो भएको छ भने यसलाई हृदयघात भन्दा पहिलेको लक्षणका रुपमा बुझ्नुपर्छ ।
पसिना: शरिरबाट अत्यधिक मात्रामा पसिना निस्कनु पनि हृदयघातको लक्षण हो । यदि यस्तो भएको छ भने पनि सचेत हुनु जरुरी हुन्छ ।
प्रतिक्रिया दिनुहोस !
