५ सय करोड लगानीमा बन्ने भयो ‘रामायण'

५ सय करोड लगानीमा बन्ने भयो ‘रामायण'

एजेन्सी: भगवान रामको जीवनकथामा आधारित हिन्दु धर्मावलम्बीहरुको सबैभन्दा ठूलो धार्मिक ग्रन्थ तथा पौराणिक कथा ‘रामायण’ मा आधारित फिल्म बन्ने भएको छ ।

पौराणिक धार्मिक कथामा आधारित ५ सय करोड भारतीय रुपैयाँ लगानी रहने यो फिल्म निर्माणका लागि निर्माणपक्षले भारतको उत्तर प्रदेशस्थित योगि आदित्यनाथको सरकारसँग प्रारम्भिक सहमतिपत्रमा हस्ताक्षर गरेको छ ।

'थ्री डी' प्रविधिको प्रयोग गरेर बनाइने यो फिल्म तमिल, तेलुगु र हिन्दी भाषामा बनाइने भएको हो । यो फिल्मको निर्माण नामित मल्होत्रा, अल्लू अरविन्द र मधु मन्तेनाले गर्ने भएका छन् । भारतीय सञ्चारमाध्यमका अनुसार यो फिल्म तीन सिरिज र तीन फरक भाषामा बन्न लागेको हो ।

'यो फिल्म ५ सय करोड भारतीय रुपैयाँ लगानीमा निर्माण हुनेछ', फिल्मका निर्माता मधु मन्तेनाले सञ्चारमाध्यमलाई भने, 'यो भारतको सबैभन्दा महंगो फिल्म हुनेछ । नयाँ प्रविधि र भिएफएक्ससँगै पौराणिक कथालाई एकपटक फेरि नयाँ स्वरुपमा नयाँ पिढीका दर्शकलाई पस्कँदैछौँ ।'

ठुलो लगानीको यो फिल्म‘रामायण’ का लागि निर्माण पक्षले निर्देशक र कलाकारको छनौट सुरु गरेको छ । भारतीय सञ्चारमाध्यमका अनुसार यही वर्षदेखि फिल्मको छायाँकन थालिनेछ । यो फिल्ममा तेलुगु सुपरस्टार अल्लू अर्जुन र रामचरण मूख्य भूमिकामा हुनेछन् ।

 


प्रतिक्रिया दिनुहोस !

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.